Naalakkersuisooqatigiit naalakkersuisooqatigiinermi isumaqatigiissumminnut ilassuteqarnerminnut atatillugu isumaqatigiipput aalisarnermi inuussutissarsiornikkut inerisaanissamut aningaasaateqarfimmik pilersitsisoqartariaqartoq.
Aningaasaateqarfik aalisarnerup iluani kattuffiit peqatigalugit pilersinniarneqarnissaa sulissutiginiarneqalerpoq, taannalu kingusinnerpaamik Januaarip aallaqqaataani 2006-mi pilersinneqareersimassasoq aaliangerneqarpoq.
Aningaasaateqarfimmik pilersitsinissami aningaasalersuisuussapput aalisartut avataasiortut, avataasiortut tunisami nalingisa 2 procentia aningaasaateqarfimmut nakkartinneqartassaaq.
Sinerissap qanittuani aalisartut pisaasa nalingata 1 procentia aamma aningaasaateqarfissamut nakkartinneqartalissaaq.