Aalisakkanik avammut tunisineq aalisagaqannginneruneranik akillu appariartorneranit eqqugaasoq

Nunatsinnit aalisakkat avammut nioqqutigisat nalingi ukioq manna qaammatit siulliit ingerlaneranni 200 millionit koruuninik appartut, kisitsisit nutaat takutippaat.
Det er blandt andet afgifterne på hellefisk, der har fået pengene til at strømme ind i landskassen.
Aalisakkat pisarineqartut ikinnerusut, aalisakkallu kiilumut akii appariartortut, Naatsorsueqqissaartarfiup kisitsisaataasa takutippaat. Assi © : Forsvaret
Allattoq Johannes Baunsgaard
juunip 16-at 2020 14:06

Ukioq manna qaammatit siulliit tallimat aalisarnermut pitsaavallaanngillat. Nunatsinnit aalisakkat avammut nioqqutit nalingat siorna piffissap taamaalineranut sanilliullugu 208 millionit koruuninik appariarpoq.

Naatsorsueqqissaartarfimmit kisitsisit nutaat taama takutitsipput.

Avammut nioqquteqarnerup ataatsimut nalingata 2020-mi januaarimit maajimut appariarnerat 11,4 procentiuvoq. Naatsorsueqqissaartarfik naapertorlugu apparnerat aalisakkat tunisat ikilinerannik kiilumullu akiisa appariartornerannik pissuteqarpoq.

AAMMA ATUARUK KNAPK: Aalisartut coronap ajornartorsiortitsinerata nalaani aningaasatigut ikiorneqartariaqarput

Assersuutigalugu saarulliup kiilumut akia siornamut sanilliullugu 13 koruunimik apparpoq.

Qalerallit tunineqartut 2019-imut sanilliullugu aamma siornamit ikinnerupput. Matumanilu aalisartut 1000 toninik ikinnerusunik pisaqarsimapput.

Aalisakkat avammut nioqqutigineqartut nalingi 2019-imi januaarimit maajimut 1,8 milliardit koruuniusimapput, ukioq maanna taamaalinerani 1,6 milliardit koruuniullutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq