A1-imi sulisussarsiorneq ajornartorsiutaaqaaq
Dronning Ingrid-ip napparsimaviani Nuummiittumi tarnimikkut innarluuteqartut nappaateqartullu immikkoortortaqarfiani, sulisussaaleqiffiusumi toqqissisimanngiffiusumilu, sulisussarsiorneq ajornartorsiutaavoq. Tamatuma kingunerivaa napparsimasut amerlanerusut Danmark-imukaanneqartariaqarnerinik, tamanna napparsimaviup pisortaata Jens Møller Jensen-ip uppernarsarpaa…
Napparsimasut nunanut allanut aallartinneqartuaannarnikuupput tamannalu pisariaqartuaannarnikuusimavoq apeqqutaavorli qanoq amerlatigisut nunanut allanukartinneqartariaqarnersut jens Møller Jensen radioavisimut oqarpoq. Maannnakkut Århus Amt suleqatigiissuteqarfigaarput, Risskov-imi kalaallinut napparsimasunut immikkoortortaqarfeqarluta, isumaqatigiissutigineqartoq malillugu agguaqatigiissillugu napparsimasut aqqaneq marluk Risskov-imiissinnaallutik, ullumikkulli pissutsit aallavigalugit 13-it tikillugit Risskov-imi uninngasuutineqartariaqarsimapput, ukiullu tullianut aningaasanut missingersuusiornermi Risskov-imi uningaasuutigineqartartut ikilisinneqarnissaat siuniunneqarsimagaluarpoq, tamannali qinnutigisinnaassanngilarlu ullumikkut pissut aallaavigalugit Jens Møller Jensen radioavisimut oqarpoq. Tarnimikkut napparsimasut Danmark-imut aallartinneqartariaqarnerannut aningaasartuutit amerliartornerat ilutigalugu paarlatsigisartakkanut aningaasartuutit atorneqartariaqarsimapput.
Tamannalu aalajangersimasumik atorfeqartut aningaasarsiaasa marloriaataannik akeqarpoq Jens Møller Jensen oqarpoq. akissaajaatit Namminersornerullutik Oqartussat akiligaat.
