Ukiut 20-it matuma siorna: Nunarsuarmi tamani naalagaaffinni siuttut aqutsisullu 11. september 2001-mi pisut pillugit eqqaaniaasut
![](/sites/default/files/styles/image_934x467/public/article_images/mand_paa_gaden.jpg?itok=q9lJvprc)
![](/sites/default/files/styles/image_934x467/public/article_images/nine_eleven.jpg?itok=B7yNnjdR)
Nunarsuarmi tamarmi inuit malunnaateqarluartut arlaqartut peqqarniisaarniat saassussineranni, toqutaasut, annattut annaassiniartullu ukiut qulikkaat qaanngiunerani nunarsuarmi tamarmi qanoq sunniuteqarnerat oqaaseqarnerminni eqqaavaat.
USA-mi præsidentia Joe Biden, oqaaseqaammik videokkut immiussamik ullup malunnartinneqarnissaanut tallimanngornermi unnukkut nassiussaqartoq
- Amerikap tarninga illersorniarlugu ataatsimoornerput nukittoqqutigaarput annerpaaq.
Ataatsimoornerput isumaqanngilaq upperisagut assigiittut, Biden oqarpoq.
- Inuiaqatigiinni immitsinnut upperisariaqarpugut tunngaviusumillu tatigeqatigiilluta, USA-mi præsidentiusimasoq Barack Obama taama oqarpoq.
- Angutit, arnat meeqqallu 3000-ingajannik amerlaassuseqartut septemberip ulluisa aqqarnganni 2001-mi ajunaartut ullumi eqqaaniarpagut, taamani ukiut 20-it sioqqullugit nunarput kiffartuullugu ajunaartunit amerlanerisut. præsidentiusimasoq Bill Clinton oqalugiarami taama oqarpoq,
- Ullumi ullormi ukiut 20-it matuma siorna ullaakkut alianartorujussuarmut pisumut eqqaasinneqarpugut, Clinton oqarpoq.
- Taamani inuit annaaneqartut, inuunertik ulorianartorsiortillugu iliuuseqartut, inuunertilluunniit akigalugu inunnik allanik annaassiniarsimasut USA-mit puigorneqanngisaannassapput aamma inuit ukiut inuunerannik ukiut 20-it matuma siorna allannguisunik.
Ataatsimooqatigiileqqinnissamut, neriunnermut, misiginneqatiginninnissamut aalajangeriataallaqqissusermillu tamaasa akiitsoqarfigaagut, Clinton taama oqarpoq.
AAMMA ATUARUK Peqqarniisaarnianit saassussinerit akulikinnerulerput
![](/sites/default/files/styles/image_934x467/public/brandmaend_0.jpg?itok=T0wwTdd_)
New Yorkip politiivini qatserisartullu ullumi eqqaaniaanermi peqataapput.
Ass.: Ed Jones/Ritzau Scanpix
EU Komissionip siulittaasua Ursula von Leyen attaveqatigiittarfikkut Twtterikkut allalluni aamma eqqaaniaavoq
- Ulloq septemberip ulluisa aqqarnganni eqqaaniarpagut inuunerminnik annaasaqartut, inuunertillu ulorianartorsiortillugu annaassiniartut ataqqiniarlutigit, Von der Leyen taama allappoq.
Tuluit Nunaanni ministeriuneq Boris Johnson eqqaaniaalluni aamma oqaaseqarpoq:
- Peqqarniisaarniat aliasutsippaatigut naalliutsillutalu, ulorianartorsiortitsisinnaanerallu ullumikkut suli atuulluni, ukiulli 20-it qaangiuttut eqqaassagaani kiffaanngissuserput upperisarpullu innarlerneqarniaraluarmat tamanna iluatsinngilaq, Boris Johnson videomi immiussami, Londonimi London Olympic Parkimi arfininngornermi takutinneqartussami taama oqarpoq.
'Tuluit droninngiat Elisabeth oqalugiarami ilaatigut ima oqarpoq:
- Eqqarsaatikka qinnutikkalu - aamma ilaquttama tuluillu inuiaat sinnerlugit, toqutaasunut, annattunut eqqugaasullu ilaqutaannut annaassiniartullu taamani aggersagaasimasunut ingerlateqqippakka,
- New Yorkimi World Trade Centerimut 2010-mi tikeraarnera puigunngisaannagassaraara, Dronning Elisabeth tusagassiutinut nalunaarummi taama allappoq.
AAMMA ATUARUK Talibanererpaluit USA-p sakkutooqarfimmik tunniussinerani sakkuaannermi toqutaasut
![](/sites/default/files/styles/image_934x467/public/obama.jpg?itok=o8QF2nJV)
USA-mi præsidentiusimasoq Barack Obama nulialu Michelle. Assimi talerperlermiippoq maanna præsidentiusoq Joe Biden. Asseq ullumi 11 september assilineqarpoq peqqarniisaarniat ukiut 20-it matuma siorna saassussinerannit ajunaartut eqqaaniarneqarneranni.
Ass . : Jim Watson/Ritzau Scanpix