Mark Rutte NATO-mi qullersanngussasoq
NATO-mi maanna qullersaasoq Jens Stoltenberg tunuarpat, Hollandimi ministeriujunnaartoq Mark Rutte NATO-mi qullersanngussaaq.
Mark Rutte NATO-mi qullersanngussasoq, NATO-mi ilaasortat isumaqatigiissutigigaat, NATO-mit paasissutissiissut Reutersimit issuarneqarpoq.
Mark Ruttep NATO-mi qullersatut toqqarneqassangatinneqareerpoq, Rumæniammi præsidentia Klaus Iohannis NATO-mi qullersanngortussatut qnigassanngortinninni sapaatit akunnerata siualiani taamaatimagu.
Jens Stoltenbergip kingoraartissani ajunnginnerpaamik kissaallugu attaveqatigiittarfimmi X-imi allappoq, Ruttelu qullersatut nukittuujusoq isumaqatigiittoqarnissaanillu suliniuteqartartoq Stoltenberg aamma allappoq.
- Ajunnginnerpaamik kissaappara, NATO-llu nukittunerulernissaanik suliniuteqarnerput ingerlatiinnassallutigu, Jens Stoltenberg allappoq.
NATO-p qullersartaassaanik toqqaanniaraanni, NATO-mi ilaasortat 32-usut isumaqatigiittariaqarput.
Mark Rutte NATO-mi ilaasortat tatiginninnerannut qujamasuppoq.
NATO-mmi qullersaatut suliassat oqitsuinnaanngitsut, Ruttep erseqqissarpaa.
NATO-p qullersartaassaanik toqqaasoqassasoq, Jens Stoltenbergip juunip 18-ianili oqaatigaa.
Mark Rutte NATO-mi qullersatut piukkunnarluartuusoq, Stoltenbergip oqaatigaa.
