Kinamiut avataarsualiartaataat qaammammit misissugassanik usilluni nunnittoq
Kinamiut avataarsualiartaataat qaammatip tunuani qaarsumit misissugassanik usilluni nunarsuarmut ullaaq manna nunnippoq.
Avataarsualiartaat Chang'e-6 qaammammeereerluni Kinap avannarpasissuani Indre Mongoliap qiterpasissuanut ullaaq manna nunnippoq.
Allattoq Ritzau
juunip 25-at 2024 09:11
Nutserisoq Jokum Nielsen
Qaammatip tunuaniit qaarsumit misissusugassanik usilluni kinamiut avataarsualiartaataat Chang'e-6 Kinap avannaa'tungaanut nunnippoq.
Taamaalilluni Kina qaammatip tunuaniit issunik qaarsuniillu misissugassanik nunat akornanni nunarsuarmut nunnigusseqqaartuuvoq. Nutaarsiassaqartitsivik Reuters taama allappoq.
Chang'e 6 sioqqullugu qaammatip saavaniit nunarsuarmut sammisumiit Chang'e 5 misissugassanik katersuivoq.
Taamaaliornikkut aatsitassanik maannamut ilisimaneqanngitsunik nassaartoqarpoq, soorlu aamma ilisimatuut qaammatip sannaata oqaluttuassartaanik ilisimasanik nutaanik pissarsisut.
