WikiLeaksimik aallarniisoq Julian Assange iperagaasoq
Nittartakkamik WikiLeaksimik 2006-mi aallarniisoq Julian Assange nunaminut Australiamut pingasunngornermi unnukkut tikippoq.
Amerikap inatsiseqarnermut ministereqarfiata unnerluussussutaani pisuunini Assangep nassuerutigaa.
Assange peqquserlunniarsimasutut unnerluutigineqarpoq, amerikamiut sakkutuuisa takussutissaataannik pissarsiniarsareriarluni ingerlatitseqqiiniarsimasutut unnerluutigineqarluni.
Julian Assange Amerikami inatsiseqarnermut ministereqarfimmik isumaqatigiissuteqarnermi kingorna pisuusutut nassuerpoq, maannalu parnaarussaasimanermini piffissaq sivisutigisoq atorlugu pineqaatisinneqarsinnaalluni.
- Taama oqaaseqaateqarnermi iperagaasutut eqqartuussivik qimassinnaanngorpat, eqqartuussisisoq taama oqarpoq.
Julian Assange Tuluit Nunaanni parnaarussivimmi isumannaallisarluakkami Belmarshimi ukiuni kingullerni tallimani parnaarussaaqqavoq.
Tamanna sioqqullugu equadorimiut Londonimi aallartitaqarfianni najugaqarpoq, ecuadorimiut naalakkersuisuinit politikkikkut qimaasutut akuerisaalluni.
Julian Assange Australiami illoqarfiit pingaarnersaannut Canberramut marlunngornermi unnukkut aallartoq, nittartagaq WikeLeaks tusagassiorfimmi X-mi allappoq.
