Tuluit naalakkersuisuisa Julian Assange USA-mut tunniunnialersaaraat

WikiLeaksimik pilersitsisoq USA-mut tunniunneqassasoq tuluit nunamut namminermut ministereqarfiata aalajangissappagu, WikiLeaksip tamanna suliareqqitassanngortinniarpaa.
Julian Assange USA-mut tunniunneqassaguni kilitsissiatut unnerluutigineqarsinnaavoq, pisuutinneqassagunilu ukiut 175-it angullugit parnaarussassanngortinneqarsinnaavoq. Assi © : Peter Nicholls/Reuters/Ritzau Scanpix
Allattoq Ritzau
juunip 17-at 2022 11:55
Nutserisoq Else Olsvig

WikiLeaksimik pilersitsisup Julian Assangep USA-mut tunniunneqarnissaanik tuluit eqqartuussiveqarfiannit aalajangiisussanngortitaanini tuluit nunamut namminermut ministeriata Priti Patelip akueraa.

Assangep eqqartuussissuserisuisa suliaq ingerlateqqinneqassanersoq sapaatip akunneri marluk qaangiutsinnagit isummerfigisussaassavaat.

Suliaq ingerlateqqinneqassappat Europami Inuit pisinnaatitaaffii pillugit eqqartuussivimmut suliassanngortinneqassaaq.

AAMMA ATUARUK Sverigep suliaq Julian Assangemut tunngasoq taamaatiinnaraa

Julian Assange USA-mut tunniunneqassaguni kilitsissiatut unnerluutigineqarsinnaavoq, pisuutinneqassagunilu ukiut 175-it angullugit parnaarussassanngortinneqarsinnaavoq.

Julian Assange ukiut aqqaneq marluk sinnerlugit matuma siornagut Sverigemiitilluni arnanik marlunnik kinguaassiuutitigut pinngitsaaliisimasutut politiinut tunniussaareerluni nunanilu assigiinngitsuni qimaasimasareerluni Londonip eqqaani parnaarussivimmi maanna parnaarussaavoq.

Aamma atuaruk