Sverigep suliaq Julian Assangemut tunngasoq taamaatiinnaraa
Sverigemi unnerluussisussaatitaasoq, tusagassiortunik katersuutsitsinermi, tv-kkut aallakaatinneqartukkut, taama oqarpoq.
Assange, arnanik marlunnik pinngitsaaliisimasutut, kinguaassiutitigullu atornerluisimasutut, 2010-mi unnerluutigineqarpoq. Kinguaassiutitigulli atornerluisimasutut pasilliutit 2015-imi pisoqalivallaarsimasutut nalilerneqarput, pinngitsaaliisimasutulli pasilliutit 2020-p tungaannut attanneqaraluarlutik.
AAMMA ATUARUK Svækket Assange indlagt på hospital i London-fængsel
Unnerluussisussaatitaasorli eqqartuussivitsigut suliarineqarnissaa maanna taamaatiinnarpaa.
Assangep Sverigemi eqqartuussivitsigut malersorneqarsinnaanissaa pillugu Sverigemut tunniunneqarsinnaasoq, Tuluit Nunaanni eqqartuussiviup 2011-mi februaarip qaammataani aalajangerpaa.
Assangeli Sverigemut suli tunniunneqanngitsoq inuttaa Ecuadorip Londonimi aallartitaqarfianut saaffiginnippoq, nunamilu tassani qimaasutut qinnuteqarluni.
Assange Ecuadorip aallartitaqarfiani ukioq mannamut apriilimut inissisimavoq, USA-mulli tunniunneqarsinnaanissaa aalajangerneqarmat tigusarineqarluni.
AAMMA ATUARUK Sverige genåbner voldtægtssag mod Julian Assange
Assange, paasissutissanik isertuussanik WikiLeaks aqqutigalugu siammarterisimasutut USA-mit pasineqarpoq, tamannalu pillugu USA-mut tunniunneqarnissaa USA-p piumasarisimallugu.