Assange Londonip parnaarussiviani napparsimasut inaanut unitsinneqartoq
Assange iparagaanissamut piumasaqaatinut unioqqutitsisimanini pissutsigalugu tuluit illoqarfiisa pingaarnersaanni parnaarussivimmiippoq. Samuelsonip Assange tallimanngormat naapipaa, taassumalu oqarnera naapertorlugu Assange nukillaarsimaqaaq.
- Assange nukilaappoq, nalinginnaasumik oqaloqatigisinnaanngilaraluunniit, Samuelson oqarpoq.
Pilersaarutit malillugit Assange juunip pingajuani Sverigemi eqqartuussaasussaavoq. Taassumali Londonimiinnera pissutigalugu eqqartuunneqarnissaata kinguartinneqarnissaa illersuisuata kissaatigalugu eqqartuussivimmut allagaqaraluarpoq
Kissaatigineqartorli eqqartuussivimmit itigartitsissutigineqarpoq, eqqartuussinissarlu pilersaarut malillugu ingerlanneqartussaq aalajangiusimaneqarluni.
Assangep arnanik marlunnik pinngitsaaliilluni atoqateqarsimaneranut unnerluutiginninnernut tunngassuteqartut suliat sveskit unnerluussisussaatitaasa misissoqqissaaqqippai.