Ilisimatooq: Peqqarniisaarnianit saassussinerit akulikinnerulerput
USA-mi piffinni assigiinngitsuni eqqaaniaalluni, Nunatta nalunaaqutaa malillugu 10.46, ullumi minutsimi ataatsimi nipaallisimaneqarpoq.
Tassa ukiut 15-it qaangiupput USA peqqarniisaarnianit saassunneqarmat.
Nalunaaquttap taamaalinerani timmisartoq siulleq illorsuarmut avannarlermut World Trade Centerimi aportinneqarpoq.
Illorsuit marluk, Twin Towers, peqqarniisaarnianit septembarip aqqarnganni aporneqarlutik suujunnaarsinneqarmata inuit 3000-ingajaat toqutaapput.
USA peqqarniisaarnianut taamanili akiuutilerpoq.
- Sitsip aqqarngannitulli saassussisoqaqqissasoq ilimagineqanngilaq. Taamaakkaluartoq peqqarniisaarniat saassussisaqattaarput, soorlu assersuutigalugu Frankrigi sisamariaq saassunneqarpoq Tysklandilu marloriaq saassunneqarluni. Taamaammat peqqarniisaarnianit saassunneqartarnerput ullutsinni akulikinneruvoq, ilisimatooq, Lars E. Andersen DR-imut oqarpoq.
USA-p præsidentia Barack Obama Pentagonimi eqqaaniaanermi peqataavoq. Pentagon pinerliinianit aamma saassunneqarluni eqqugaavoq inuillu 125-it toqutaallutik.
New Yorkimilu Ground Zeromi eqqaaniaanermi toqutaasut 2.977-it aqqisa taagorneqassapput.
