16-inik ukiulik Nobelip eqqissinermut nersornaasiuttagaanut innersuunneqartoq
Norgemi inatsartusani ilaasortat pingasut Greta Thunberg Nobelip eqqissinermut nersornaasiuttagaanik innersuuppaat.
Nunarsuarmi oqaluttuarisaanermi atuarumajunnaarneq/sulimajunnaarneq FridaysForFuture pillugu suliniaqatigiiffik Gretamit aallarnerneqarpoq.
Atuartullu nunani assigiinngitsuni 100-ni ingerlaaqatigiinnissaat pilersaarutaasoq dr.dk allaaserisaqarpoq.
AAMMA ATUARUK Nunatsinni inuusuttut politikerinit tusaaqqusut
Sila pillugu Parisimi isumaqatigiissut nunat siuttuisa malinninnissaat anguniarlugu nunarsuarmi atuartorpassuit tallimanngornermi ingerlaaqatigiipput.
Ingerlaaqatigiinnissarlu nunatsinni, Savalimmiuni Danmarkimilu ingerlanneqassasoq, GUX Nuummi ilinniartut nalunaaruteqarput.
AAMMA ATUARUK Niviarsiaqqap15-nik ukiullip nunarsuarmi aqutsisut naveerpai
Nuummi GUX-imi Qaqortumi Campus Kujallermi ilinniartut atuaratik ullumi aamma ingerlaataqatigiipput.