Aningaasanut aappaagu inatsisissaq novembarip 27-ani pingajussaaneerneqassaaq.Foto: KNR

Inatsisartunut ilaasortat najuuttut tamarmik amigartoornissaq akueraat

Aningaasanut aappaagumut inatsisissaq 180 millionit koruuninik amigartoorfiusussaq Inatsisartuni partiit najuuttut tamarmik aappassaaneernerani akueraat.

Tassalu siullermeerinninnermi isornartorsiuisimaqineq partiinit naalakkersuisoqatigiinnit peqataaffigineqartoq nipangertuusigallarpoq.

LÆS OGSÅ Forslag til finanslov blinker rødt forud for afgørende fase

Naalakkersuisooqatigiit partiivisa Siumut ,Demokraatit, Nunatta Qitornaasalu aningaasanut aappaagu inatsisissaq 180,7 millionit koruuninik amigartoorfiusoq aappassaaneerneqarnerani akuersaarpaat.

Tamatumunngali killinniarneq Naalakkersuisoqatigiinnut ilungersunarsimavoq.

Tassami Inatsisartut aningaasaqarnermut akileraartarnermullu ataatsimiitialiaat Siumumeersumik, Hermann Berthelsenimit siuttuuffigineqartoq amigartoornissamut akuersiumanngissimaqaaq.

LÆS OGSÅ Naalakkersuisoq: Vi går alligevel efter underskud på næste års finanslov

Maannali Inatsisartut nalunaaquttap akunnerini arfinilinni ataatsimeereerneranni partiit najuuttut ilaasortaatitaat tamarmik akuersaarlutik taasipput.

Piumasaqangaatsiartut

Naalakkersuisoqatigiinnneersulli Siumut Demokraatillu imaaliinnarlutik akuersinngillat.

Aappaagulu 180,7 millionit koruuninik amigartoornissaq Demokraatit akueraat.

- Corona pissutigalugu aappaagu amigartoorujusuarnissaq akuerivarput. Coronaqarani pissutsit allaagaluarpata, akuersaasanngikkaluarpugut. Atukkavulli peqqutigalugit paasinninnermik takutitsivugut. Piumasariinnarparput, aningaasanut ukiuni sisamani tulliuttuni inatsisit oqimaaqatigisitsiffiussasut amigartoorfiunatik, Demokraatineersoq Malene Vahl Rasmussen KNR-imut oqarpoq.

LÆS OGSÅ Naalakkersuisut skal finde 175 millioner kroner i finanslov

Siumup aappaagu amigartoornissaq aamma akuerigaa, Hermann Berthelsen KNR-imut oqarpoq.

- Aningaasanut aappaagu inatsisissami amigartoornissaq Siumup aamma tunngaviatigut Demokraatitulli akuersaarpaat, ukiunili missingersuusiorfiusuni sisamani oqimaaqatigiisitsinissaq anguniarlugu, Hermann Berthelsen oqarpoq.

Tassalu Aningaasaqarnermut naalakkersuisoq piffissami tullittumi ulapittusanngorpoq. Tassami killiffik taamaakkallartillugu ukiuni tulliuni sisamani amigartoorutissatut 165 millionit koruunik missingiussaapput. Partiillu kissaataat piviusunngussappat taakkua aningaasat ujarneqartariaqarput.

 

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt