- Amigartoorutaasinnaasunik allaqqasoqarneraana uniffigigipput. Aningaasanut amigartoorutitaqanngitsumik inatsisiliortariaqartugut isumaqaratta. Taamaaliornikkut coronavirusi allalluunniit aningaasatigut eqquigaluarpata sillimanerusinnaaniassagatta, Siumut sinnerlugu Inatsisartuni ilaasortaq aningaasaqarnermut ataatsimiitsitaliami siulittaassuutigisoq Hermann Berthelsen oqarpoq.Assi: KNR

Naalakkersuisut aningaasanut inatsimmi 175 millionit koruuninik sipaarniassasut

Aningaasanut inatsisissatut siunnersuut ukiuni tulliuttuni sisamani amigartoorutaasussaq partiit naalakkersuisut akuersissutiginianngilaat. Demokraatit pisortat ikiorsiissutaanni sipaaruteqartoqarsinnaanerarlugulu nuannarineqarpallaanngitsunik aalajangiisoqassanerarpaat.

Aningaasanut inatsisissatut siunnersuut ukiuni tulliuttuni sisamani amigartoorutaasussaq partiit naalakkersuisuutitaqartut akuersissutigiunnarnagu oqarput.

Aningaasanut inatsisissatut aappaagumut Naalakkersuisut siunnersuutaat amigartoorutaassappat Siumut Nunattalu Qitornaasa akuersissutiginianngilaat. Demokraatilli naaperiutiginiarpaat, ukiuni tullerni sisamani amigartoorutit matussuserneqarsinnaappata.

Aningaasanut inatsisissatut aappaagumut siunnersuut Inatsisartuni ippassaq siullermeerneqarmat tamanna paasinarsivoq.

- Amigartoorutaasinnaasunik allaqqasoqarneraana uniffigigipput. Aningaasanut amigartoorutitaqanngitsumik inatsisiliortariaqartugut isumaqaratta. Taamaaliornikkut coronavirusi allalluunniit aningaasatigut eqquigaluarpata sillimanerusinnaaniassagatta, Siumut sinnerlugu Inatsisartuni ilaasortaq aningaasaqarnermut ataatsimiitsitaliami siulittaassuutigisoq Hermann Berthelsen oqarpoq.

AAMMA ATUARUK Aningaasanut inatsisissap amigartooruteqarfiunnginnissaa ataatsimiititaliap piumasaraa

Naalakkersuisut aningaasanut aappaagumut inatsisissatut siunnersuusiaat 183 millionit koruuninik amigartooruteqarpoq, ukiunilu tulliuttuni sisamani katillugit 175 millionit koruuninik amigartooruteqarluni.

Partiillu amigartooruteqaqqusinnginnermik piumasaat naaperiutigineqassappat 2021-mit 2024-mut 175 millionit koruunit sipaarutigineqassapput.

Pisortanit ikiorsiissutit sipaarniarfiusinnaasut

Allaffissornermut aningaasartuutinit sipaarniartoqartariaqartoq partiit naalakkersuisuutitaqartut isumaqatigiissutigaat. Siumup suut sipaarniarfiussanersut isumaqatiginninniarnerit aallartitsinnagit oqaatigerusunngilaa.

Naalakkersuisuutitaqartulli sinneri siunnersuuteqarput.

Meeqqat sumiginnakkat kinguaassiutitigullu atornerlugaasimasut siusinnerusukkut ikiorneqarnerini aningaasanik sipaartoqarsinnaasoq Nunatta Qitornai isumaqarput.

Meeqqat sumiginnagaasimasut inersimasunngorlutik inuuniarnermikkut ajornartorsiortut ikiorneqarnerisigut pisortanit ikiorsiissutinik pisartagaqartut sipaarfigineqarsinnaasut taakku isumaqarput.

- Sulisinnaajunnaarnersiuteqalernissaannut ingerlatiinnarnagit peqquterpiaa nassaarisinnaasariaqarparput. Ima aamma amerlatiginnginnatta nalullutigu suna ajornartorsiutaanersoq, Nunatta Qitornaasa aningaaqarnermut oqaaseqartartua Aleqa Hammond oqarpoq.

AAMMA ATUARUK Inatsisartut ilaatigut corona, mittarfiit namminiilivinnissarlu oqaluuserigaat

Pisortat ikiorsiissutaat sipaarniarfiusinnaasut partiit naalakkersuisuutitaqartut pingajuata Demokraatit isumaqatigaat.

- Sulinermut kajumissaarinikkut, taavalu pisortaniit pisartakkat qiviaqqinnissaat qanoq una aaqqissuussaasut. Sutigut pitsaanerusumik aaqqissoqqissinnaavarput?, Demokraatit aningaasaqarnermut oqaaseqartartuat Malene Vahl Rasmussen oqarpoq.

Aningaasanik attartornikkut oqimaaqatigiisitsisoqassaasoq

Aningaasanik atorniarnikkut aamma oqimaaqatigiissitsisoqarsinnaasoq Siumut Demokraatillu periarfissaanerarpaat. Siunnersuut aningaasaqarnermut naalakkersuisup Vittus Qujaukitsup (NQ) periarfissaasoq siusinnerusukkut oqaatiginikuuaa.

- Ullumikkut annertunerusumik attartugaqanngilagut, taava karsi immersinnaavarput nunanut allanut attartugaqarnitsigut, taamaaliornikkut inuiaqatigiittut assakaasugut ingerlatiinnarsinnaavavut, Hermann Berthelsen oqarpoq.

Aningaasanut inatsisissatut aappaagumut siunnersuut oktobarip 28-ani aappassaaneerlugu Inatsisartuni oqaluuserineqassaaq, novembarillu 13-iani taasissutigineqassalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat