- Erseqqissunik inerneqanngitsoq isumaqarpunga. Kukkunersiuinermut ataatsimiititaliap siulittaasuata tamanna isummerfigisariaqassavaa, Siulittaasuugallartoq Tillie Martinussen oqarpoq.Foto: KNR / Malik Brøns

Illuatungiliuttuni partiit minnerit: Nipisattassiissutinut suliap oqallisigineqarnerani angusaqarnersugut nalileruminaappoq

Nipisattassiissutinut suliap sivisuumik oqallisigineqarnera angusaqarfiunersoq oqaatigiuminaattoq Atassutip siulittaasuaq oqarpoq. Suleqatigiisitsisut isumaqataapput.

Nipisattassiissutinut suliaq piffissaq kingulleq oqallisaasorujussuuvoq.

Oqallinneq sisamanngormat aallartittoq akunnerni arfineq-marlunni ingerlavoq, marlunngormallu akunnerni sisamani oqallittoqarluni.

Oqallinnermili angusaqartoqangaanngitsoq illuatungiliuttuni partiit minnerit isumaqarput.

- Nalileruminaappoq qanorpiaq maannakkut angusaqarnersugut. Suna tamarmi uneqattaarnerillu ingerlareertut nalunarami ilumut angusavittut taaneqarsinnaanersoq, Atassutip siulittaasua Aqqalu Jerimiassen taama oqarpoq.

LÆS OGSÅ Debat om skarp Kielsen-kritik i stenbidersagen: Vi er nødt til at holde pause

Suleqatigiisitsisut isumaqataapput:

- Erseqqissunik inerneqanngitsoq isumaqarpunga. Kukkunersiuinermut ataatsimiititaliap siulittaasuata tamanna isummerfigisariaqassavaa, Siulittaasuugallartoq Tillie Martinussen oqarpoq.

Nipisattassiissutinut suliaq pillugu naatsumik:

 

Nipisattassiissut siorna aalisarneqanngitsut 204 tonsit 2020-mut nuutsinnissaat Naalakkersuisut maajip ulluisa aqqaneq-aappaanni aalajangerpaat.


Kalaallit Nunaanni Aalisarnermut Nakkutilliisoqarfiup paasissutisiinera naapertorlugu ammaasseqqinneq politikkikkut aalajangerneruvoq.


Imartani Paamiut avannaaniit Kangerlussuaq tikillugu nipisanniarusuttunut nipisanniartoqarsinnaajunnaartoq, sapaatit akunneranni kingullermi nalunaarutigineqaraluarpoq.

 

IA: Kim attuumassuteqarpallaarpa?

Inuit Ataqatigiit suliaq pillugu avammut nalunaaruteqaqqaarput.


Kim Kielsen umiatsiaminik aalisartumut atukkiussereerluni Naalakkersuisuni nipisattassiissutinik qaffaaqataagami imminut iluaqutissinnersoq pillugu apeqquteqarniarlutik nalunaaruteqaramik taamaattoqarpoq.
 

Kim Kielsen Naalakkersuisut ataatsimiinnerannut peqataavoq, attuumassuseqarsinnaallunilu paasissutissiissutiginagu.

 

Kukkunersiuinermut ataatsimiititaliaq sakkortuumik uparuaasoq

Inatsisartut Kukkunersiuinermut ataatsimiititaliaa tamatuma kingorna suliamut atatillugu nalunaajaanerminik tunniussaqarpoq.

 

Ataatsimiititaliallu matumani "sakkortuumik uparuaaneq" atorpaa pissutsillu "isornarluinnartutut" erseqqissaatigalugit.

 

- Ataatsimiititaliap sakkortuumik uparuaavoq Inatsisartullu Naalakkersuisut siulittaasuata suliami matumani attuumassuteqarpallaarnissamut apeqqut eqqumaffigisimanngikkaa malugeqqullugu.

 

Oqaaseqaatit taakku ataatsimiitaliap naliliinermi oqaaseqaataata allattorsimaffiani qaffasinnerpaamik sakkortunerpaamillu inissisimapput.

Nipisattassiissutinut suliami Inatsisartut Kukkunersiuinermut ataatsimiititaliaata paasissutissat Naalakkersuisunut piumasaasa tunniunneqarsimannginneri oqallisaasorujussuuvoq. Paasissutissat ataatsimiititaliamut maanna tunniunneqarsimalerput, avammulli saqqummiunneqarnatik. Tamannalu naammaginanngitsoq Tillie Martinussen isumaqarpoq.

- Paasissutissat imarisaasa isertuulluinnagassanngorlugit imaluunniit inunnut tunngasortaat peeriarlugit ilaasortanut (Inatsisartunut aaqq.) tunniunneqarnissaat kaammattuutigigaluarparput. Taamaaliornikkut tunngavissaqarluartumik oqallittoqarsinnaagaluarmat, Tillie Martinussen oqarpoq.

Paasissutissalli ataatsimiititalianuinnaq tunniunneqarput.

LÆS OGSÅ Revisionsudvalg har modtaget indtil videre hemmelige dokumenter i stenbidersagen

Tassalu Inatsisartut Naalakkersuisullu qaammatialunni akerleriissutigisaat taama inerneqarallarpoq.

Kukkunersiuinermullu ataatsimiititaliap paasissutissat tunniunneqartut kalaallisuunngortinneqarnissaat maanna utaqqivaa.

Kim Kielsenip angallatini nipisanniutissatut atukkiussimariarlugu nipisattassat amerlineqarnerinut aalajangeeqataammat suliaq aallartippoq.

Kim Kielsenip suliamut attuumassuteqarpallaarnersoq apeqquserneqarpoq, Kukkunersiuinermullu ataatsimiititaliamit misissorneqarluni.

Paasissutissat Naalakkersuisunut piumaneqaraluartut tunniukkumaneqannginneri ataatsimiititaliap sakkortuumik isornartorsiorpaa.

Ataatsimiititaliallu nalunaarusiaa partiinit naalakkersuisuutitaqartunit inatsisinik unioqqutitsisoqarsimannginneranik takussutissaanerarneqarpoq.

LÆS OGSÅ Kim Kielsen: Advokatfirmaets vurdering er nok

Paasissutissalli naliliinissamut pisariaqartut pigitinnagit inerniliisoqarsinnaanngitsoq Aqqalu Jerimiassen isumaqarpoq.

- Suli takussutissat naammassillugit tunniunneqanngitsut oqalulereertoqarniarpat "kukkusoqarsimanngitsoq" assigiinnarpaa suliat suli naammassineqanngitsut suulluuniit taareertaleraanni ajoquteqanngitsutut, taanna oqarpoq.

Suliarli naammassinngilluinnartoq taanna isumaqarpoq.

LÆS OGSÅ Demonstration mod Naalakkersuisut: Vi vil have valg!

Ataatsimiititaliami ilaasortat suliaq pillugu ataatsimeeqqaassammata, maanna susoqassanersoq suli nalunartoq Kukkunersiuinermut ataatsimiititaliap siulittaasua Erik Jensen KNR-imut oqarpoq.

Nutaamik nalunaarusiortoqassanngippat tupinnassasoq Tillie Martinussen isumaqarpoq.

- Suliaq inuiaqatigiinnut taama soqutiginassuseqartigisoq, allaat akerliussutsimik takutitsisoqarluni, ilassutissamik nalunaarusiortoqassanngippat tupinnassaaq. Uggornassaqaaq, Tillie Martinussen oqarpoq.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt