Inatsisartuni oqallinneq sakkortuumik aallartinneqarpoq.

Nipisattassiissutinut suliap isornartorsiorneqarneranut oqallinneq sakkortooq: Unikkallartariaqarpugut

Nipisattassiissutit pillugit suliaq Inatsisartuni oqallisigineqaleruttorpoq. Oqallinnerlu sakkortuumik aallartippoq.

Inatsisartut Kukkunersiuinermnut ataatsimiititaliap Kim Kielsenimut tunngatillugu nipisattassiissutinut suliaq pillugu sakkortuumik uparuaanera oqallisigileruttorpaat.

Illuatungiliuttut ataatsimoorlutik suliap ullumikkut oqallisigineqarnissaa kissaatigaat – illuatungiliuttummi suliaq Kim Kielsenimut politikkikkut kinguneqartitsissutaassanersoq oqallisigerusuppaat.

Illuatungiliuttut partiianit Naalakkersuisut siulittaasuanut tatiginnikkunnaarnermik taasisoqassanersoq oqaatigerusunngilaat.

Tamannali ilimanarluinnartoq inuiaqatigiilerinermi ilisimatuup, Birger Poppelip KNR-imut siusinnerusukkut oqaatiginikuuaa.

Suliami Naalakkersuisut siulittaasuat, Kim Kielsen (Siumut), umiatsiaminik aalisartumut atukkiussaqaatigaluni nipisattassiissutinik qaffaaqataanermini attuumassuteqarpallaarnersoq attuumassuteqarpallaarsimannginnersorluunniit pineqarpoq.

Marloriarlugu misissorneqartoq

Suliaq marloriarlugu misissorneqarpoq. Siullermik Naalakkersuisut nammineerlutik misissuisitsineranit eqqartuussissuserisut suliffeqarfiata, Poul Schmithip misissuiffigaa.  Tamatuma kingorna Kukkunersiuisut ataatsimiititaliaat septembarip ulluisa arfineq-aappaanni piareertumik nalunaaruteqarput. Taannalu isornartorsiuineruvoq.

Ataatsimiititaliaq ”sakkortuumik uparuaallunilu” suliap ilai ”isornartortutut” taavai.

Nipisattassiissutinut suliaq pillugu naatsumik:

 

Nipisattassiissut siorna aalisarneqanngitsut 204 tonsit 2020-mut nuutsinnissaat Naalakkersuisut maajip ulluisa aqqaneq-aappaanni aalajangerpaat.


Kalaallit Nunaanni Aalisarnermut Nakkutilliisoqarfiup paasissutisiinera naapertorlugu ammaasseqqinneq politikkikkut aalajangerneruvoq.


Imartani Paamiut avannaaniit Kangerlussuaq tikillugu nipisanniarusuttunut nipisanniartoqarsinnaajunnaartoq, sapaatit akunneranni kingullermi nalunaarutigineqaraluarpoq.

 

IA: Kim attuumassuteqarpallaarpa?

Inuit Ataqatigiit suliaq pillugu avammut nalunaaruteqaqqaarput.


Kim Kielsen umiatsiaminik aalisartumut atukkiussereerluni Naalakkersuisuni nipisattassiissutinik qaffaaqataagami imminut iluaqutissinnersoq pillugu apeqquteqarniarlutik nalunaaruteqaramik taamaattoqarpoq.
 

Kim Kielsen Naalakkersuisut ataatsimiinnerannut peqataavoq, attuumassuseqarsinnaallunilu paasissutissiissutiginagu.

 

Naalakkersuisut eqqartuussissuserisumut suliakkiisut

Naalakkersuisullu siulittaasuata suliamut atatillugu isornartorsiorneqartorujussuanngorami suliamik naliliinissaq eqqartuussissuserisoqatigiinnut Poul Schmithikkunnut suliakkiutigaa. Kim Kielsenilu attuumassuteqarpallaarsimanngitsoq eqqartuussissuserisoqatigiit nalilerpaat.

 

Kim Kielsen nipisattassiissutinik qaffaaqataagami tamatumalu saniatigut umiatsiaminik aalisartumut attartortitsigami attuumassuteqarpallaanngilaq. Eqqartuussissuserisut suliffeqarfiat, Poul Schmidt taama inerniliuuteqarpoq.

 

Kukkunersiuinermut ataatsimiititaliaq sakkortuumik uparuaasoq

Inatsisartut Kukkunersiuinermut ataatsimiititaliaa tamatuma kingorna suliamut atatillugu nalunaajaanerminik tunniussaqarpoq.

 

Ataatsimiititaliallu matumani "sakkortuumik uparuaaneq" atorpaa pissutsillu "isornarluinnartutut" erseqqissaatigalugit.

 

- Ataatsimiititaliap sakkortuumik uparuaavoq Inatsisartullu Naalakkersuisut siulittaasuata suliami matumani attuumassuteqarpallaarnissamut apeqqut eqqumaffigisimanngikkaa malugeqqullugu.

 

Oqaaseqaatit taakku ataatsimiitaliap naliliinermi oqaaseqaataata allattorsimaffiani qaffasinnerpaamik sakkortunerpaamillu inissisimapput.

Inatsisartunilu oqallinneq aallartilluarneqarpoq.

Aningaasaqarnermut naalakkersuisup, Vittus Qujaukitsup (NQ) apeqquteqaat aallaavigalugu oqallisissiaq aallartippaa.

AAMMA ATUARUK Nipisattassiissutinut suliaq: Illuatungiliuttut Kielsenimut uparuaaneq Inatsisartuni oqallisigisileraat

- Naalakkersuisut siulittaasuata nipisattassiissutinik qaffaaqataannginnermini attuumassuteqarsinnaaninin naalakkersuisut sinnerinut ilisimatitsissutigisimassagaluarpaa, kisianni inatsisinik unioqqutitsisoqanngilaq.

Tamatuma kingorna Siumumit Karl-Kristian Kruse oqaaseqartarfimmukarput.

- Siumumit oqaatigerusupparput, Naalakkersuisut inatsit malillugit sulipput. Illuatungiliuttulli maanna kissaatigaat naalakkersuisut siulittaasuat ikinngutiminut isumaginninnersoq oqallisigeruppaat, taanan oqarpoq.

- Malittarisassanik unioqqutitsisimaneranik maannamut uppernarsaatissarsinngilarput. Tamanna Siumumeersut tamarmik isumaqatigiissutigaat.

Tamanna pillugu Partii Naleqqamit Hans Enoksen nikuilluni suleqatiminut naveersivoq.

- Kukkunersiuinermut ataatsimiititaliap malittarisassat ilaat unioqqutinneqarsimasut erseqqissaatigaa,

- Naqqissorniassanngilatsigut taamaaliorsinnaatitaanngitsugut, inatsisit ataqqeqqissaarlugut uagut iliuuseqarpugut. Kissaatigissavaralu ataatsimiinneq akunnerup-affaata missaa unitsinneqarallassasoq

Qasukkarnissaq pillugu unikaaallanneq

Inatsisartullu siulittaasuat, Vivian Motzfeldt (Siumut) nikuilluni oqaaseqarpoq:

- Ataatsimiinneq akunnerup-affaa unitsikkallarparput, Inatsisartut siulittaasuat oqarpoq.

Oqallinnerup unikkallarnerata kingorna Nunatta Qitornaanit Aleqa Hammondip Kim Kielsen illersorpaa. Kim Kielsen Kukkunersiuinermut ataatsimiititaliamit uparuarneqareersoq, suliarlu allamik kinguneqartitsisoqarfiusariaqanngitsoq taanna oqarpoq.

Nivi Olsen isumaqataavoq. Suliaq politikkikkut kinguneqartitsiviusariaqanngitsoq, taanna oqarpoq.

AAMMA ATUARUK Illuatungiliuttut oqallinnissaq sioqqullugu: Tatiginninnginnermik taasititsisoqassanersoq suli eqqartunngilarput

Illuatungiliuttut Inatsisartuni 14-iupput. Naalakkersuisooqatigiinni ilaasortat 17-iupput. Illuatungiliuttut tamarmiullutik tatiginnikkunnaarnermik taasissagunik naalakkersuisooqatigiit suli amerlanerussuteqassapput.

Maannakkutullu isikkoqartillugu naalakkersuisooqatigiit partiivisa taamaalillutik Kim Kielsen illersorlugu oqaatigereerpaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat