WWF Greenpeacelu: Kalaallit Nunaanni uuliasiorneq inertequtigineqartariaqarpoq
![](/sites/default/files/styles/image_934x467/public/article_images/olieboreplatform_i_nordsoe_foto_herbert_weiss-ravn2.jpg?itok=cQPGEIZ1)
Nunatta USA Canadalu assigalugit Issittumi uuliasiornissaq inerteqqutigisaqarpaa.
Pinngortitaq pillugu nunarsuaq tamakkerlugu suliniaqatigiiffik, WWF, Greenpeacellu taama kaammattuipput.
Præsident Obama Alaskami Atlantikullu avannarpasissuani uuliasiornissamik inerteqquteqalereersoq
taamatut kaammattuisoqarpoq. Inatsit taanna præsidentinngortussap Trumpit atorunnaarsikkuminaatsittussaavaa.
Nunattalu USA malittariaqaraa WWF-imi siunnersortaaneq Mette Frost isumaqarpoq.
- Taamaaliorneq akisussaassuseqarnermik peqqissaarnermillu takutitsinerussaaq. Tassami Kalaallit Nunaata imartaani uumasut peqqissut piujuaannartinneqarsinnaasut pinngitsoorsinnaanngilaat.
Aatsitassanulli naalakkersuisup, Muté B. Egedep, Nunatsinni uuliasiornissamik pilersaarutit unitsiinnarnianngilai.
Nunattali uuliasiornissamut suli ungasimmat naalakkersuisup pilersaarutinik unitsitserusunnginnera Sune Schellerip Greenpeacemeersup eqqumiigaa.
- Iluatsinngitsoortumik siunertaqarnerup attatiinnarneqarnera eqqumiippoq. Tassami piviusoq tassaavoq uuliasiornissamut misileraataasumik 2011-mi kingullermik qiilerisoqarpoq, 2017-milu taamaaliornissamik pilersaaruteqartoqarani, Sune Scheller Berlinskemi taama issuarneqarpoq.