Zelenskyj-p sorsunnermi pinerluuteqarsimasunut nunat tamalaat eqqartuussiviat pulaaraa

Ukrainep præsidentia, Volodymyr Zelenskyj, sorsunnermi pinerluuteqarsimasunut nunat tamalaat eqqartuussiviat Hollandimi Haagimi ullumi pulaarpaa.

Zelenskyj-p Hollandimut pisortatigoortumik siullerpaamik tikeraarneranut atatillugu eqqartuussivimmut pulaarpoq.

Ruslandip præsidentiata, Vladimir Putinip, sorsunnermi pinerluuteqarsimasutut pasineqarluni tigusarineqarnissaa, sorsunnermi pinerluuteqarsimasunut nunat tamalaat eqqartuussiviata marsimi naalakkiutigaa. Nunat eqqartuussivimmut ilaasut taamaasillutik Putin nunaminnut tikissagaluarpat tigusarisinnaassavaat.

Nunat arlallit, Rusland USA-lu taakkununnga ilaallutik, nunat tamalaat eqqartuussiviannut ilaasortaanngillat.

Nunat tamalaat sorsunnermut pinerluuteqarsimasunut eqqartuussiviata Vladimir Putin Ukrainemi sorsunnermi pinerluuteqarsimasutut ukioq manna marsimi pasivaa, tigusarineqarnissaalu naalakkiutigalugu.

Tigusarinnittoqarnissamilli naalakkiut takussutissaannartut isigineqarpoq, nunammi ilaasortat naalakkiut malikkumanagu aalajangersinnaammassuk.