Politikki Ilinniarneq

William Kriegel: Meeqqat pisinnaatitaaffii innarlerneqartarput

Meeqqat sumiginnarneqartut ilaallu atuartinneqarsinnaanngitsut. Nunatsinni meeqqat ulluinnarni atugaat ilaatigut tamakkuupput, naak Naalagaaffiit Peqatigiit meeqqat pisinnaatitaaffii pillugit nalunaarutaannut Kalaallit Nunaat atsioqataasimagaluartoq.

Allattoq Jaaku Lyberth

novembarip 14-at 2014 15:00

Tamakkua aaqqinneqartariaqartut Meeqqat pillugit Siunnersuisoqatigiinnit William Kriegel inatsisartunut qineqqusaarnermi politikerinut taama oqariartuuteqarpoq.

Meeqqat pisinnaatitaaffii suli unioqqutinneqartarput taanna oqarpoq.

Aamma atuaruk OQALLINNEQ Kinguaariit affaat ingerlariaqqinngitsoortartut

- Ajoraluartumik suli nunatsinni meeqqat ilaat sumiginnagaasarput. Taamaammat taakkua meeqqat peroriartornerminni innarlerneqarput, uffa isumaqatigiissummi tassani allaqqasoq meeqqat peqqinnartumik ineriartornartumillu peroriartornissaat qulakkeerneqassasoq.Takussaapput meeqqat eqqugaasut paaqqutarineqarlunnerminik, William Kriegel Meeqqat pillugit Siunnersuisoqatigiinneersoq oqarpoq.

Meeqqat atuartitaanissaat Naalagaaffiit Peqatigiit Meeqqat nalunaarutaanni ilaavoq.

- Kisianni qanoq meeqqat atuarfimminni pissarsiaqartarnerat ilaatigut ajoraluartumik apeqquserneqartarsinnaavoq. Ingammik atuarfinni avinngarusimasuni nunaqarfinnilu ilinniartitsisussaaleqineq pissutigalugu atuartitaasarneq ilaatigut apeqquserneqarsinnaasarami, William Kriegel oqarpoq.

Aamma atuaruk VIDEO Ilinniartitaaneq pillugu qineqqusaartut oqallitsinneqarnerat takoqqiguk

Naalagaaffiit Peqatigiit Meeqqat pillugit Ataatsimiititaliaannit Kalaallit Nunaat 2016-imi nalilersuiffigineqassaaq, Meeqqallu pillugit Siunnersuisoqatigiivisa Naalagaaffiit Peqatigiit Meeqqat pillugit Ataatsimiititaliaata meeqqat pisinnaatitaaffii ilumut qulakkeerneqartarnersut qulakkeerusuppaat.