Mikael Petersen kannguttaatsuliornernut Nunatta Eqqartuussiviani pinngitsuutinneqarusuttoq

Nunatsinni kinguaassiuutitigut innimiilliornerni suliaq oqallisaanerpaaq pineqaatissiissutigineqarmalli qaammatit arfineq pingasut qaangiutilerput.

Partiimi Siumumi allattaasimasoq pissaaneqarluartoq, Mikael Petersen, arnanut sisamanut kannguttaatsuliorsimasutut pineqaatissinneqarpoq.

Arnat pineqartut Siumup Nuummi allattoqarfianut attuumassuteqanngikkunik sulisimapput.

Pineqaatissiineq allattaasimasup pineqaatissineqarsimasunut ulluni 60-ini inissiisarfimmiittussanngorneranik kinguneqarpoq. Mikael Petersenili pinngitsuunerarpoq eqqartuussivimmilu aalajangerneq suliassanngorteqqillugu.

Taannalu suliaq Nunatta Eqqartuussiviani septembarip 7-anit 9-anut suliarineqassaaq.

Mikael Petersenip illersuisuatalu pinngitsuutinneqarnissaq piumasarigaat, Jens Paulsen, eqqartuussivimmi suliami illersuisoq oqarpoq. Taassuma eqqartuussivimmi suliap suliarineqannginennerani apersorneqarnissani itigartitsissutigaa.

Uppernarsaatit maanna saqqummiunneqassapput, qanorlu inerneqarumaarnera Nunatta Eqqartuussiviata aalajangerumaarpaa.

Pinngitsuutitsineq aalajangersaanerluunniit?

Unnerluutigineqartoq pinngitsuutinneqarusuppoq. Akerlianilli unnerluussisussaatitaasut suliamut allatut inerniliinissamut isiginnittut, unnerluussisussaatitaasut pisortaat, eqqartuussivimmi suliami aamma unnerluussisuusoq, Morten Nielsen oqarpoq.

- Unnerluussisussaatitaasut aalajangersaasoqartikkusuppaat, unnerluutigineqartorli pinngitsuutinneqarusuppoq. Taamaattumik Nunatta Eqqartuussiviata suliaq nutaamik suliarissavaa uppernarsaatillu nutaamik naliliiffigalugit, Morten Nielsen oqarpoq.

Eqqartuussissoqarfik Sermersuumi suliaq suliarineqarmat ilisimannittut qulingiluat nassuiaapput.

Siumut sinnerlugu folketingemut ilaasortaq, Aki-Mathilda Høegh-Dam, ilisimannittutut nassuiaasunut akuuvoq. Taanna arnanut kannguttaatsuliorfigineqarsimanerarlutik Mikael Petersenimik unnerluutiginnittunut akuuvoq.

AAMMA ATUARUK Partiimi allattaanerusimasoq pineqaatissinneqarsimasunut inissiisarfimmiittussanngortoq

Eqqartuussisup suliamik inerniliineq saqqummiukkamiuk arnat ilisimannittut nassuiaataat tutsuiginartutut nalilerpai.

Saniatigut aamma Mikael Petersenip atuuffini atorlugu pissaanermik atornerluisimasinnaanera arnallu nuluisigut attortarsimasinnaaneri oqimaalutarneqarput. Taakkua iliiutsit Mikael Petersenip nammineq ”sulinermut kajumissaataanerarpai”

Taakkualu nassuaatinut sakkortusaataasut, eqqartuussisoq taamani naliliivoq.