VM-imi ilaaqqaarneq ukioq manna unamminerit ajornersaraat
Anngunniunnermut atasumik 10 kilometerimut sukuutserluni ujakkaarnermi 24-nik ukiulik neriussimagaluarpoq pitsaanerit qulit akornanniissalluni, taamaalillunilu unammersuarnermut atasumik arlaleriarluni unammeqataasinnaanissani neriuutigisimagaluarlugu.
Taamaallaalli normu 23-unini naammagiinnartariaqarpaa.
- Tamassi qutsavigaassi. Ukioq manna unamminerit ajornersaraat. Assut oqimaatsumik ingerlavunga. Naluara sooq, Karl-Peter Kristensen inuit attaveqaqatigiittarfianni Facebookimini allappoq.
Aamma atuaruk Danmarkimi ujakkaarluni pissartanngorniuttoqarnerani kalaallit marluk angusarissaartut
26.27,4 minutsit atorpai taamaalillunilu pitsaanerit qulit akornaniinnissaminut minutsimik ataatsimik arriippallarluni ajugaasumiillu 2.30,6-imik arriinnerulluni.
Ujakkaartartoq Aasianneersoq, ulluinnarni Norgemi najugaqartoq, aqagu unammeqqissaaq - tamatumuuna qangatoortumik sukkasuumik ujakkaassalluni.
Aamma atuaruk Martin Møller VM-imut sila ajoraluartoq sungiusarluarsimavoq
Arfininngorpat Martin Møller VM-imi unammeqqaassaaq, 30 km skiathloneqataassalluni.
Najungasuni napisimammagu qanoq inissikkumaarnersoq pissangagalugu Greenland Ski Team allappoq. Ataasinngormat tiimimut 57 kilometerersorluni orlugami orpimmullu aporluni najungasuni napivaa, umittoormiulli nakorsaata unamminermut peqataasinnaasoq akueraa.
