USA-mi inuit 21-t isserujussuarnerani ajunaartut Texasimilu inuppassuit innaallagiaqanngitsut

Houstonimi pisut ilungersunangaarmata, illoqarfimmi tassani suliffeqarfiit innuttaasunut kialaarfittut ammarnissaannut kaammattorneqarput.
Houstonimi innuttaasut 1,3 millionit suli innaallagiaqanngitsut, Texasimi illoqarfiup Houstonip borgemsteria tusagassiortunik marlunngornermi katersortitsinermi oqarpoq. Assi © : Go Nakamura/AFP/Ritzau Scanpix
Allattoq Ritzau
februaarip 17-at 2021 08:00
Nutserisoq Jaaku Lyberth

USA-mi issittorujussuunera pissutigalugu inuit 21-t ajunaarput, naalagaaffimmilu Texasimi millioninik innuttaasulimmi innaallagiaarullutik.

USA-p annersaani issittorujussuuvoq, taamaammallu covid 19-mut akiuussusiisarfiit arlaqartut matoqqallutik.

PIssutsillu maanna atuuttuut aatsaat sapaatit akunnerata naalernerani illorraap tungaanukassangatinneqarput. Nutaarsiassaqartitsivik Ritzau taama allappoq.

AAMMA ATUARUK USA-mi ukiuunerani anorersuarnerani uiverlutillu saarfaaruttoortut

Houstonimi innuttaasut 1,3 millionit suli innaallagiaqanngitsut, Texasimi illoqarfiup Houstonip borgemsteria tusagassiortunik marlunngornermi katersortitsinermi oqarpoq.

Taamaattumik suliffeqarfiit suli innaallagiaqartut innuttaasunut qiiasunut kialaarfittut ammarnissaannut kaammattorneqarput.

Texasimi oqartussat kissarsuutit gassitortut grilleriviillu illup iluani atorneqannginnissaannik innuttaasunut mianersoqqusipput. Inunnik grillerutit kissarsuutillu gassitortut atorlugit angerlarsimaffimminni kiassaaniarsimasut napparsimmavippaalunni nakorsaaserneqarsimammata taama mianersoqqusipput.

Aamma atuaruk