USA-mi ukiuunerani anorersuarnerani uiverlutillu saarfaaruttoortut

Amerikamimi tamarmi ukiuunerani anorersuarnerani uivertoqalereersorlu, USA-mi oqartussat kalerrisaarneqarnissaminnut sillimapput.

Tuluit nutaarsiassqartitsiviat BBC taama allappoq.

Ukiuunerani sila immikkut illuinnaqqissaarpoq, USA-p kujasinnerusortaani nillertorujussuarmik anorlerpoq, sikusimavoq nittaallunilu. Tamannalu USA-p kujasinnerusortaani qaqutigorujussuaq pisarpoq.

AAMMA ATUARUK FN: Nunarsuaq kiatsikkiartupiloorpoq

Assersuutigalugu naalagaaffimmi Texasimi ukiuni kingullerni 30-ni aatsaat taama issitsigaaq.

USA-mi sumiffinni arlalinni 18-nik issippoq, USA-milu illoqarfimmi Dallasimi Alaskami illoqarfimmit Anchoragemit taamaalilluni issinnerulluni.

Silaannaq nillertoq Canadap killeqarfianit USA-p sinneranut siaruaassimammat USA-mi qaqutigoortumik isserujussuartoq, USA-p naalagaaffiata silasiorfia nalunaarpoq.