Politiit ullormut nalunaarutaat: Tillinniarnerit, ikuallattoorneq, hashi imigassartorsimatillutillu biilertut

Tillinniat kinaassusersineqanngitsut meeqqerivimmut iserteriarlutik utertitassanik 100 koruunit nalingannut tillissimapput. Inuk hashimik nassatalik tigusarineqarpoq, Nanortalimmi ikuallattoqarpoq imigassartorsimatillutillu biilertut marluk Nuummi unitsinneqarput.

Allattoq Nicole Sander Bertelsen

juunip 24-at 2026 10:17

Nutserisoq Medea Olsen

Kalaallit Nunaanni Politiit Tasiilami tillinniartoqarneranik ippassaq ullaakkut nalunaaqutaq 08.10 nalunaarfigineqarput, tassani tillinniat kinaassusersineqanngitsut, igalaaq aseroriarlugu iserteriarlutik, utertitassanik 100 koruunit nalingannut tilleriarlutik qimaasimapput.

- Politiit maannakkut pasisaqanngillat, suliarli misissorneqarpoq, Kalaallit Nunaanni Politiini sillimasut pisortaat Thomas Jeppesen oqarpoq.

Ikuallannerit marluk nalunaarutigineqartut

Nanortalimmi containeri ikuallattoq, politiinut ualikkut sisamanngorluinnartorlu nalunaarutigineqarpoq.

- Politiit ikittaat pappiliarlu ikuallassimasoq sumiiffimmi nassaaraat, takunnittullu inuusuttut marluk sumiiffimmit qimaasut takuai, sillimasut pisortaat oqarpoq.

Politiilli suliamut atatillugu pasisaqanngitsut, taanna oqaluttuarpoq.

Nuummi tamanna sioqqutilaarlugu ikuallattoqalerpoq, qatserisarfiup eqqaani ikaartarfimmi sofa ikuallalermat.

- Ajoqusertoqanngilaq, qatserisarfiullu eqqaaniimmat qatserisartut sukkasuumik ornigupput.

Hashi imigassartorsimatillunilu biilerneq

Nuuummiiginnassaagut, inummi ataaseq 'hashimik annikitsumik' nassatalik, Nuummi mittarfimmi unitsinneqarpoq, sillimasut pisortaat oqaluttuarpoq.

Kingullertut, imigassartorsimatillutik biilertut marluk politiinit unnuap ingerlanerani unitsinneqarsimanerat oqaluttuaraa, taakkua marluullutik aaversipput kingusinnerusukkullu iperagaallutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.