VIDEO Ineqarnermut akiliutinik kinguaattooruteqartut kingunerlutsitserujussuartut

INI-p malittarisassanik malinnilernerata aammalu ineqarnermut akiliutinik akiliinngitsoornermut kinguneqartitsisalerneratigut tamanna pivoq.

- Soorunami nuanniittorujussuuvoq, qanormi iliussaagut.

- Ataasiarluta akiliinngillatsiartooratta isumaqatigiissut atorunnaarpoq, Aqqalunnguaq Dahl KNR-imut oqarpoq.

AAMMA ATUARUK Ineqarnermut akiliutinik akiliinngitsoorsimasut 90-it anisitaasut

Taanna aappanilu nalunngisaminni najugaqarallartariaqalersimapput, eqqunngitsumilli pineqarsimasutut misigisimavoq.

- Inatsisit ilisimasakka malillugit, anisissagunitigut pinngitsooratik allamik inissiffissarseqqaarluta aatssat anisissinnaavaatigut.

INI-li isumaqarpoq malittarisassat maleqqissaarsimallugit.

- Taamaaliornitsinni eqqartuussiviup naliliinera malittarput, INI-mi attaveqartarnermut pisortaq Else Løvstrøm oqarpoq.

Kikkulluunniit utaqqisutut allatsissinnaapput, akiligassaqaraluarunilluunniit. Inimilli attartussagunik akiligassaqannginnissaat piumasaqaataalluni.