Kruse: Nuna tamakkerlugu isumaqatigiissuteqarnissaq utaqqisinnaanngilarput
Ataatsimiititaliami siulittaasup oqarnera naapertorlugu suliaq ukiorpassuarni suliarineqartoq kinguartinneqarsinnaanngitsoq, - ukiorpassuarni suliap anguniarneqarlunilu suliarineqartuarsimasup,
tamarmik isumaqatiginissaanik aallaaveqartumik, utaqqisitsiinnassagaluarutta,
isoqanngitsumik piareersinnaanavianngitsugut takuneqarsinnaavoq, Karl Kristian Kruse oqarpoq.
Tamatuma inerneraa, naalakkersuisoqatigiit Demokraatillu mittarfiit tallineqarnissaannut isumaqataammata, inatsisartuni sisamanngornermi pingajussaaneerneqarnissaanut, akuerineqarnissaannullu amerlanerussuteqarlutik.
IA mittarfiit pillugit siunnersuummut taaseqataaniaratik aalajangerput, Partii Naleraq siunnersuummut
Isumaqataannginnini aalajangiusimavaa.
Mittarfiit tallineqarnissaannut siunnersuut inatsisartut akileraartarnermut aningaasaqarnermullu ataatsimiititaliaani suliarineqarnerani IA-mit isornartorsiutigineqarpoq, partiinit amerlanerusunit isumaqatigiissutigineqarsimanngimmat. Siunnersuut inatsisartuni sisamanngornermi pingajussaaneerneqassaaq.
Ataatsimiititaliami siulittaasup oqarnera naapertorlugu suliaq ukiorpassuarni suliarineqartoq kinguartinneqarsinnaanngitsoq, - ukiorpassuarni suliap anguniarneqarlunilu suliarineqartuarsimasup,
tamarmik isumaqatiginissaanik aallaaveqartumik, utaqqisitsiinnassagaluarutta,
isoqanngitsumik piareersinnaanavianngitsugut takuneqarsinnaavoq, Karl Kristian Kruse oqarpoq.
Tamatuma inerneraa, naalakkersuisoqatigiit Demokraatillu mittarfiit tallineqarnissaannut isumaqataammata, inatsisartuni sisamanngornermi pingajussaaneerneqarnissaanut, akuerineqarnissaannullu amerlanerussuteqarlutik.
AAMMA ATUARUK Mittarfiliortiternissaq akuersissutigalugu taasissutigineqariaannanngortoq
Nuna tamakkerluni ineriartortinneqassaaq.
Partii Naleqqamit ernummatigineqarpoq, Nuummi Ilulissanilu mittarfiit 2200 meterisut tallineqarpata,
sinerissami illoqarfiit sinneri ineriartornermit katataanissaat ernummatigineqarpoq.
Taamaakkaluartoq Karl Kristian Krusep aalajangiusimallugu oqaatigaa, mittarfiit sanaartorneqarnerisigut Kalaallit Nunaat tamakkerlugu ineriartortinneqarumaartoq, tamanna Naalakkersuisut politkkerimmassuk.. Sanaartukkat annertuut pilernerisa malitsigisaannik
inuiaqatigiinni annertoorujussuarmik akileraarutitigut, isaatitsinerulernermik
suli inoqarfinni allani nukissaqarnerulernermik malitseqartussaavoq, Karl Kristian Kruse oqarpoq.
AAMMA ATUARUK Danmark Kalaallit Airportsimi itigartitsisinnaatitaassasoq
Naalagaaffimmik isumaqatigiissuteqarneq isumaqatigineqanngilaq.
Mittarfiit pillugit danskit naalagaaffiata aningaasaleeqataaniarnera Partii Naleqqamit isumaqatigineqanngilaq, ikinnerussuteqarlutillu oqaaseqaateqarnerminni akuerisinnaanngilaat, isumaqatigiissuteqarnermi danskit naalagaaffiat naaggaarsinnaatitaassammat.
IA aamma isumaqarpoq, isumaqatigiissuteqarnermi danskit naalagaaffiat mittarfiliornissamut pisinnaatitaaffeqarpallaartinneqartoq, Múte Bourup Egedep oqarnera naapertorlugu, kalaallit kissaataat kigaallassimaartinneqassapput.
Isumaqatigiissuteqarnermi naalagaaffik iluanaaruteqarnerussaaq, tamannalu ajortumik niuernerusoq Múte Bourup Egede isumaqarpoq
AAMMA ATUARUK Piginneqataassutit pillugit isumaqatigiissut Inatsisartuni oqallisigineqarnissaa pissutissaqanngilaq
Danskit naalagaaffiat aningaasaleeqataanermigut Kalaallit Nunaannut periarfissat annertuut ammaanneqartut Karl Kristian Kruse oqarpoq, taamaattumik Nunarput Danmarkimit pisiarineqartutut aallaat nipilerluni oqalunneq, taanna eqqunngilaq. - Aningaasaliisussaanerup kingorna periarfissat takkunnerat, naalagaaffiup aningaasaleeqataaneratigut, aammalu 33 procent qulaatitsiarlugu piginneqataanermik aallaavilik, inuiaqatigiinni oqartussaaffik anginerusoq, tamanna maluginiagassaavoq, tamannalu ajunngitsumik siunertalimmik, isumaqatigiissuteqarneq aallaavigigaanni,isumaqarpunga inuiaqatigiinni alloriarnermik annertuumik periarfissiineq taanna isiginiarnerusariaqaripput isumaqarpunga, Inatsisartuni aningaasaqarnermut Akileraartarnermullu ataatsimiititaliami siulittaasoq Karl Kristian Kruse oqarpoq.
