Isumaqatigiissut: Danmark Kalaallit Airportsimi itigartitsisinnaatitaassasoq
Sermitsiaq.ag taama paasisaqarpoq, paasissutissallu taakku KNR-ip uppernarsartippai.
Danskit naalagaaffiat itigartitsisinnaatitaanermigut Kalaallit Airports A/S-ip siulersuisuini aalajangiinernik allannguutinillu itigartitsisinnaatitaassaaq. Naalagaaffillu ingerlatseqatigiiffiup pingajorarterutaannaanik piginneqataagaluarluni taamaaliorsinnaatitaassaaq.
AAMMA ATUARUK Piginneqataassutit pillugit isumaqatigiissut Inatsisartuni oqallisigineqarnissaa pissutissaqanngilaq
Itigartitsisinnaatitaaneq naalagaaffiup Nuummi Ilulissanilu nutaanik mittarfissualiornissamut aningaasaleeqataanissaa pillugu isumaqatigiissutip, Naalakkersuisut danskillu aningaasaatinut minstereqarfiata isumaqatigiinniutigisaata ilagaa.
Nuummi, Ilulissani Qaqortumilu mittarfiliortiternerit pillugit inatsisitigut toqqammavissaq Inatsisartuni sisamanngorpat inaarutaasumik taasissutigineqassaaq.
AAMMA ATUARUK Inatsisartut piginnittutut Danmarkimik isumaqatigiissut takoqqaarnagu akuereratarsinnaagaat
Amerlanerussuteqartullu, Naalakkersuisut Demokraatillu, mittarfiliortiternissaq pillugu inatsimmik, taamatullu aamma Danmarkip piginneqatiginissaanik, akuersinissaat naatsorsuutigineqarpoq.
AAMMA ATUARUK Inatsisartut piginnittutut Danmarkimik isumaqatigiissut takoqqaarnagu akuereratarsinnaagaat
