Aarhusimi ini kialaarfiup kalaallinik angerlarsimaffeqanngitsunik ikiuinera ingerlalluartoq
- Kalaallit inuuniarnermikkut ajornartorsiuteqartut ikorluarpavut. Illoqarfiup qeqqani sumi tamaani kalaallit maanna takussaajunnaamipput. Taakkulu tassa orniffigisinnaasaannik sukisaarsartafigisinnaasaannillu pilersitsilluta, Aarhusimi Kirkens Korshærip pisortaa, Morten Aagaard Danmarkip Radioanut oqarpoq.
Isersimaartarfimmi imigassartorneq inerteqqutaavoq, tamanna kalaallinit angerlarsimaffeqanngitsunit pitsaasutut oqaatigineqarpoq.
AAMMA ATUARUK Aarhusimi ini kialaarfik kalaallinuinnaq atugassiaq ammarneqartoq
- Imigassartorsimatinnani allanillu naapeqateqarnermi inuunerup pitsaasortai misigineqartarput, tamannalu kalaallit aamma ilisimaaraat. Tassami illoqarfiup ilaani silami imigassartortilluni inuuneq alla misigineqartarpoq, Morten Aaagaard oqarpoq imalu nangilluni.
- Maani isersimaartarfimmiinnermi allanik misigisaqarusunneq pilersarpoq imigassamillu atuinerujussuup qimakkusulerneqarsinnaanera qaninnerulersinnaalluni, Morten aagaard oqarpoq.
Aarhusimi kalaallit angerlarsimaffeqanngitsut isersimaartarfiata ammarneqarnerata kinguneranik kalaallit imerunnaarusullutik katsorsartittut maannamut tallimaapput allat sisamat sulilersinnaaneri eqqarsaatigalugit Kofoed Skolemi maanna sungiusartinneqarput.
