Politiit: Uumannami angutit pingasut nakuusersimasutut pasineqarlutik eqqartuussivimmut sassartinneqartut

Uummannami sakkortuummik nakuusertoqartoqarnerata kingorna angutit pingasut politiinit tigusarineqarput. Taakkua eqqartuussivimmut sassartinneqarput tamannalu matoqqasumik ingerlanneqarmat paasissutissanik annertunerusunik politiit paasissutissiisinnaanngillat.

Allattoq Jaaku Lyberth

apriilip 01-at 2024 11:35

Uummannami sakkortuumik nakuusertoqarneranut atatillugu, sapaammi unnukkut angutit pingasut eqqartuussivimmut sassartinneqarput.

Sakkortuumik nakuusertoqarmat angut ataaseq annertuumik ajoquserpoq, tamannalu arfininngornermi unnukkut pivoq.

Angutit pingasut eqqartuussivimmut sassartinneqarnerat matoqqasumik ingerlanneqarmat politiit annertunerusunik paasissutissiisinnaanngillat..

- Angutit pingasut ippassaq unnukkut eqqartuussivimmut sassartinneqarput.

- Eqqartuussivimmi suliaq matoqqasumik ingerlanneqarmat pisoq pillugu annertunerusunik oqaaseqarsinnaanngilagut, Kalaallit Nunaanni politiini pigaartut pisortaat oqarpoq.

Sakkortuumik nakuusertoqarneranik politiit arfininngornermi unnukkut 20:44 nalunaarfigineqarput, tamatumalu kingorna angutit pingasut tigusarineqarnerat nalunarutigineqarluni.

Aamma atuaruk Politiit: Sakkortuumik nakuusertoqarnerata kingorna Uummannami inuit arlaqartut tigusarineqartut

Nalunaaruteqartoqarnerata kingorna politiit annerusunik oqaaseqarsinnaanngillat, paasiniaaneq suli ingerlanneqarmat.

Maannali angutit pingasut tigusarineqartut politiit paasissutissiissutigaat.

Sakkortuumik nakuusertoqarneranut atatillugu paasiniaanerit suli ingerlanneqarput.