Politiit: Sakkortuumik nakuusertoqarnerata kingorna Uummannami inuit arlaqartut tigusarineqartut
Uummannaami saassussisoqarnerata kingorna inuk ataaseq ajoquserujussuarpoq.
Pisoq pillugu inuit arlallit tigusarineqartut, politiit nalunaarput.
Uummannami sakkortuumik nakuusertoqarsimanera pillugu politiit arfininngornermi unnukkut nalunaarfigineqarput
Allattoq Jaaku Lyberth
marsip 31-at 2024 11:55
Uummannami angut sakkortuumik nakuusertoqarnerata kingorna ajoquserujussuarpoq, persuttaaneq pivoq arfininngornermi unnukkut.
Nakuusertoqarnerata kingorna inuit arlaqartut tigusarineqarsimasut, politiit KNR-imut paasissutissiipput.
- Angummik sakkortuumik nakuuserfigineqarnera ippassaq unnukkut qulingiluanut tanneq qulingiluanngulersoq nalunaarfigineqarpugut.
Tamana pillugu inunnnik arlalinnik tigusarinnippugut, Jørgen Madsen Kalaallit Nunaanni politiini pigaartut pisortaat taama oqaluttuarpoq.
Pisoq pillugu misissuisoqarpoq kingusinnerusukkullu tusagassiuutinut nalunaaruteqartoqarumaartoq, pigaartut pisortaat taama nalunaarugineqarpoq.
