Politiit ullormut nalunaarutaat: 13-inik ukiulik meeqqallu allat arfinillit Nuummi biilertillutik ajutoortut

Politiit sisamanngornermut unnuaani ulappussimasut, Kalaallit Nunaanni Politiit pigaartuisa pisortaat Carl Sværd sisamanngornermi ullaakkut ilisimatitsivoq.

Tassa politiit ilaatigut biilinut kussinermut nakkarsimasunut marlunnut sisamanngornermut unnuaata ingerlanerani ornigutilertorput.

Biilit kussinermut nakkartut appaannik ingerlatsisoq 13-inik ukiuliusoq taannalu meeqqanik allanik arfinilinnik ilaasoqarsimavoq.

- Politiit unnuami marluk missaanni nalunaarfigineqarnermi kinguninnguagut, biilit aallarussat malersuleqqammiinnaraat biilit malersugaat kussinermut nakkarlutik ajutoorput. Ajornerusumilli pisoqarsimasinnaagaluarpoq, Carl Sværd oqarpoq.

Meeqqani taakkunannga arfineq-marluusuni marluk politiinit tigusarineqarput.

Biilini kussinermut nakkartuni ilaasut allat tallimaasut kiuppat?

Biilit kussinermut nakkartut aappaannik ingerlatsisup 13-inik ukiuliup biilit ingerlatani angerlarsimaffimminiit aallarussimagai pisumillu taassuminnga suliaq isumaginnittoqarfimmut ingerlateqqikkitsik, Carl Sværd oqarpoq.

- Meeqqat taakkua 15-iliineqannginnerat pissutigalu pineqaatissinneqarsinnaanngimmata taamaaliorpugut. Suliaq taanna maanna isumaginnittoqarfimmiilerpoq, kisianni tigusarisavut marluusut killisiortussaassavagut, politiit pigaartuisa pisortaat oqarpoq.

Meeqqat biilini kussinermut nakkartuni ilaasut allat tallimaasut kiunersut taamaaliornermikkut paasinissaat neriuutigigitsik, taanna aamma oqarpoq.   

Politiit biilinut allanut kussinermut aamma nakkarsimasunut sisamanngornermut unnuaani marlunut qiteqqutilersoq aamma ornigutilertorsimapput. Biilinillu taakkuninnga ingerlatsisoq angut 52-inik ukiulik imigassartorsimatilluni biilersimasoq paasinarsivoq.