ICC: Utoqqartatta ilisimasaat atorluarnerussavagut

Inuit Issittormiut siunnersuisoqatigiivisa ukiuni tulliuttuni sisamani suliassatik Alaskami sapaatip akunnerata siuliani ataatsimeersuarnerminni aalajangiuppaat.
juulip 24-at 2018 07:12

Utoqqartatta, naggueqatigiit inuit pisinnaatitaaffiinik suliniuteqartut, ilisimasaat ilinniarfiginerussagigut anguniagassaasa ilagaat.

- Sisamanngormat avammut nalunaarutissaq aalajangiiffigivarput. Taanna immikkoortortaqarpoq qulinik, Hjalmar Dahl oqarpoq.

Naggueqatigiit inuit pisinnaatitaaffii, inuussutissanik pilersornissamut isumannaarinninnissaq, ilaqutariinnut inuusuttunullu tunngassuteqartut, peqqinneq inuummarinneq ilinniartitaanermullu attuumassutillit ICC-p ukiuni tulliuttuni sisamani suliniutissaanut ilaapput.

AAMMA ATUARUK Aqqaluk Lynge siger farvel til ICC efter 38 år i ledelsen

AAMMA ATUARUK De unge er meget vigtige for ICC

Inuit Issittormiut siunnersuisoqatigiit nunanit sisamanit ilaasortaaffigineqarput, tassaasut Canada, Alaska, Kalaallit Nunaat Ruslandilu. Taakkunanilu utoqqartanit ilinniarneqarsinnaasut pingaartitarineqarput.

- Nunagisatsinni tamani utoqqaat ilinniartitsinermi ilisimasaasa atorluarnerunissaat aallussinissamut tunngasoq.

Naggueqatigiit inuit nunaminni ikinnerussuteqartuugaluarlutik ataatsimoornermikkut aalajangiisartunit oqartussanillu tusaaneqarnerunissartik angusarpaat.

AAMMA ATUARUK Pikialasorsuaq pillugu isumalioqatigiissitaq ICC-mut pingaaruteqarpoq

AAMMA ATUARUK Hans-Pavia Rosing ICC-ip ataatsimeersuarnera ammarneqarpat eqqaaniarneqassaaq

- Aalajangiisinnaaneq annertooq soorlu nunatsinni Canadallu avannaani ilaatigullu annertusiortorput. Kisianni tassa ilaqarpugut tassani amigaateqartunik, tamakkua annertusiartortut ICC aqqutigalugu ineriartortinnukuuagut, ICC Greenlandip præsidentia Hjalmar Dahl oqarpoq.

AAMMA ATUARUK ICC Ilulissani ataatsimeersuartussanngortoq