ICC-p ataatsimeersuarnera: ICC Ilulissani ataatsimeersuartussanngortoq

ICC-p Ilulissani ukiut sisamat qaangiuppata tulliani ataatsimeersuarnissaa Alaskami Utqiavimmi ataatsimeersuarnerup ippassaq unnukkut naammassineqannginnerani aalajangerneqarpoq. KNR-ip ilanngutassiortua Marianne Stenbæk Utqiavimmit taama oqaluttuarpoq.
Assi © : Jens V. Nielsen
Allattoq Karsten Sommer
juulip 20-at 2018 07:17
Nutserisoq Ivik Kristiansen

Ataatsimeersuarnerup tullia nunatsinni aaqqissuunneqartussaavoq, nunatsinni kommunit pingasut ICC-p 14-issaannik ataatsimeersuarnissaanik aaqqissuisuunissaminnut unammipput, tassanilu Avannaata kommuniata borgmesteria Palle Jerimiassen ajugaavoq.

Palle Jerimiassen ICC-p Ilulissani ataatsimeersuartussanngornera nuannaarutigalugu qujamasuutigalugulu KNR-imut oqarpoq, ataatsimeersuarnissarlu iluatsilluarniassammat kommuni tamaat ilanngutitinneqassasoq ilanngullugu oqarluni.

ICC-p siulersuisortaavisa qanimut suleqatiginissai Palle Jerimiassenip Utqiavimmi ataatsimeersuarnermi oqalugiarnermini neriorsuutigaa.

Hjalmar Dahl, Nuka Kleemann ICC-llu præsidentertaava Dalee Sambo Dorough siulersuisunut nutaanut ilaapput.

ICC Ilulissani 2022-mi 14-issaanik ataatsimeersuassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq