Danmarkimi aningaasanut inatsit: Utoqqarnut, peqqinnissamut politiinullu aningaasat amerlanerit atorneqartussat
![](/sites/default/files/styles/image_934x467/public/article_images/kristian_jensen-fotograf_steen_brogaard.jpg?itok=Kut01zMR)
Danmarkimi naalakkersuisut Dansk Folkeparti peqatigalugu aningaasanut inatsimmut tallimanngornermi isumaqatigiissuteqarput.
Utoqqarnut, peqqinnissamut amerlanerusunillu politeeqarnissamut aningaasanik amerlanernik tunniussinissaq isumaqatigiissutigineqarpoq.
- Peqqinnissamut 2 milliardit koruunit ukiuni sisamani atorneqartussat tunniuppagut. Jyllandip avannarpasissuani qulimiguulimmik tuaviortumik ikiuiartorsinnaasumik qulakkiigaqarnerput immikkut nuannaarutigaara, aningaasanut ministeri, Kristian Jensen, oqarpoq.
Utoqqarnut sullissinermut atorneqartunit milliardit affaannik amerlanerusut atorneqartussanngornerat Dansk Folkepartip aningaasanut oqaaseqartartuata, René Christensenip, erseqqissaatigaa.
Isumaqatigiissutillu malittarisaanik politiit amerlanerulissasut, De Konservativemeersup, Brian Mikkelsenip, erseqqissaatigaa.
/ritzau/