USA-mi præsidentimut qineqqusaartut Issittup ukkatarineqarnerunissaa ajugaassagaluarunik kissaatigaat, assigiinngitsutigulli ukkatariniarlugu. USA-mi pissutsinut immikkut ilisimasallit Kristian Søby Kristensen Rasmus Bruun Pedersenilu taama isumaqarput.Assi: RitzauScanpix

USA pillugu immikkut ilisimasallit: Biden Trumpiluunniit qinersinermi ajugaappata nunatsinnut qanoq isumaqassava

Amerikami kina præsidentinngornissaa apeqqutaanani nunarput USA-mut pingaaruteqartorujussuuvoq. Matumani qineqqusaartut marluk nunatsinnut qanoq pitsaaquteqassanersut ajoquteqassanersulluunniit atuarsinnaavat.

USA-mi præsidentinngortussap tullia ersarissippat nunatsinni amerlanerpaat sinissagunarput.

Præsidentili Donald Trump qinigaaqqissaguni imaluunniit nutaamik Demokraatineersoq Joe Biden qinigaassaguni tamanna nunatsinnut qanoq isumaqassava?

Tamanna amerikamiut nunanut allanut tunngasunut sillimaniarnermullu politikkiannik immikkut ilisimasallit, Købenahavns Universitetimeersup, Kristian Søby Kristensenip Rasmus Brus Pedersenillu Aarhus Universitetimeersup eqqoriarpaat.

 

Demokratinit Joe Biden isumaqatigiissitsiniaallaqqissuunini ilisimaneqaatigaa.

 

Joe Biden - pitsaaqutit

  • Kalaallit politikeriisa oqaaseqarnissamut periarfissaqarnerat

- Issittoq Kalaallit Nunaallu amerikamiunut pingaaruteqangaarmata Biden qinigaagaluarpat allanngortoqangaarnavianngilaq, amerimamiummi sumiiffimmut tunngatillugu sillimaniarnermut politikkikkut ataavartumik soqutigisaqarput, Rasmus Brun Pedersen oqarpoq.

Tamannalu nunatsinnut iluaqutaasoq, Kristian Søby Kristensen oqarpoq:

Kalaallit danskillu politikeriisa oqaaseqarnissamut periarfissaqarnerannik isumaqassaaq. Amerikamiullu politikeriinut oqaaseqarsinnaanermut periarfissaqarneq soqutigisanik imaluunniit isiginninnermik oqaluuserineqartussanut suliamik ilanngutsitsisinnaanermut piumasaqaateqarfiusinnaavoq, taamaalilluni ”amerikamiunit” imaluunniit amerikamiut politikkiannit qanoq piumasaqarneq ersarissisinneqarsinnaalluni.

  • Isumaqatigiiissitsiniaallaqqinneruvoq

Kalaallit Nunaannut nunarpullu pillugu USA-mit oqaaseqartarneq Bidenip aqutsineranit aamma allaanerussagunarpoq.

- Trumpip tassanngaannartumik saqqummiuttagai pinngitsoornanilu piumasaqariataartarneri takussaajunnaassasoraakka. Assigiinnitsunik siunnersuuteqartoqannginnerni amerikamiut tunngaviusumik oqaloqatiginnikkusunneruneranut Københavnimullu ilisimatitsisarnerannut nalinginnaasumut uteqqissaagut, Rasmus Brun Pedersen oqarpoq.

  • Suleqatigiinneq siammasinnerusoq

Præsident Trumpip nunamut ataatsimut ikittukkaanulluunniit isumaqatigiissuteqarnissaq nuannarineruaa nunarsuarmilu kattuffinnik peqatiginnikkumanninnerusoq Joe Biden nunanik amerlasuniik ataatsikkut suleqatiginninnissamik nuannarisaqarneruvoq.

- USA-p nunanit tamalaanit kattuffinni siulersuineq uterfigeqqissagunarpaa. Matumani Issittumi Siunnersuisooqatigiit ilaatigut ilaapput, nunanimi tamalaani kattuffiit iluaqutissaalluartutut isigineqarmata, Kristian Søby Kristensen oqarpoq.

Joe Biden - ajoqutai

Kristian Søby Kristensenip Rasmus Brun Pedersenillu oqarnerat naapertorlugu Biden USA-mi præsidentinngoraluarpat tamanna nunatsinnut politikkikkut ajoquteqarnissaa takussutissaqanngilaq.

Trumpimit allaanerungaatsiartumik aalajangersimasumik ajoquteqassasorinngilara. Bidenimi pitsaanerusumik amerlasuutigut inissisimasoqarnissaa ilisimagaara, Rasmus Brun Pedersen oqarpoq.

Donald J. Trump præsidentiunermini uissuumminartunik oqaaseqaateqartarnini ilisimaneqaatigaa.

Donald Trump - iluaqutit

  • Kalaallit Nunaannut soqutiginnilluinnartoq

Trumpip qinigaaffiani Kalaallit Nunaannut soqutiginningaatsiartoqarnera takunngitsoorneqarsinnaanngilaq. Soqutiginninnerlu taanna ukiuni sisamani aqutseqqinnerani ingerlaannarnissaa qularnanngilaq, Rasmus Brun Pedersen oqarpoq:

Trumpip qinigaanera ingeralqqissappat taama ingerlasoqaannarnissaa ilisimagilluinnarpara: Tassa amerikamiut kalaallit nunaanniinniarsarinerat attatiinnarneqassasoq.

Tamanna Kristian Søby Kristensenimit taperserneqarpoq.

- Amerikamiut aalajangiisuinut ammaassissaaq, taamaalilluni oqaluuserisassanut immaqa ilanngutititsisoqarsinnaassalluni. Kalaallit Nunaata qitisusut inissisimaffeqarnini amerikamiullu nunanut allanut sillimaniarnermullu aamma illersornissamut politikkiani qitiusumiinnini takutissavaa.

Donald Trump - ajoqutit

  • Silap pissusiata allanngoriartornera upperinngikkaa

Donald Trumpip ilisimatusarnermit silap pissusiata allanngoriartorneq inunnit pilersitaaneratut oqaatigineqarnera tatiginngilaa. Tamannalu nunatsinnut ajoqutaasinnaasoq, Kristian Søby Kristensen isumaqarpoq.

- Silap pissusiata allanngoriartornera aamma kalaallit danskillu oqaluuserisassatut pingaartilluinnagaasa ilaat oqaluuserineqarnissaat ukkatarivallaanngilaa.

  • Siumut oqaatigineqanngitsunik nalunaaruteqartarnera

Naak Trumpip issittumut soqutiginningaatsiaraluartoq – nunarsuarmit aamma nunatsinnit tassanga tusagaqarnissaq piareersimaffigissagaat ukiuni kingullerni sisamani aamma takutinneqarpoq. Assesuutigalugu præsident Trumpip Kalaallit Nunaannik 2019-imi pisinissamik neqerooruteqarnerani tamanna takutinneqarpoq.

Donald Trumpillu præsidentiunerani siumut ilisimanngeriikkanik iliuuseqartarnerata ingerlannarnissaa ilimanarluinnarpoq.

  • Kalaallit Nunaat pissaanilissuit akornanniittoq

Præsident Trumpip Kina, Ruslandilu piffissallu ilaani EU isornartorsiungaatsiarnikuuai. Tamanna nunatsinnut naalagaaffeqatigiinnullu pissaanilissuarnut Issittumi inussiarnersumik oqaloqatigiittoqartitsiniartunut aarlerinalaarpoq.

Trumpip allaffeqarfiata Kinamut Ruslandimullu takutitsinermik sammivigisai Kalaallit Nunaata, Danmarkip Savalimmiullu pissaanilissutit soqutigisaasa akornanniileratarsinnaanerannik isumaqarput, Kristian Søby Kristensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat