Assi: Ken Bower

FN: USA-p sakkutooqarfigisimasaani eqqakkat tamaasa Danmarkip peertariaqarpai

USA-p nunatsinni sakkutooqarnikkut ingerlatarisaanit eqqakkat tamakkerlugit Danmarkip peertariaqarpai - USA-lu ikiuuttariaqarpoq. Naalagaaffiit eqqakkanik toqunartortalinnik immikkut misissuititaat Naalagaaffiit Peqatigiit Inuttut Pisinnaatitaaffiit pillugit ataatsimiititaliaanut nalunaarusiamini taama inassuteqarpoq.

Oqaaseqatigiit kingulliit pingasunngornermi nal. 11.49 ilanngunneqarput.

Sermitsiaq.AG taama allaaserisaqarpoq.

- Sakkutooqarnermi eqqakkat inuiaqatigiinnit kalaallinit peeqquneqartut tamaasa Danmarkip nassaariortortariaqarpai piiarlugillu. USA sakkortuumik kaammattorneqassaaq tamatumunnga peqataaqqullugu suliniuteqarluni tapersersorlugu, immikkut misissuitititap, Baskut Tuncakip inassutaani aamma taama allassimasoqarpoq.

AAMMA ATUARUK USA-p nunatsinni suliai ernumalersitsipput

AAMMA ATUARUK Danmarkip USA saliinissamut tunngatillugu saaffigisimanngilaa

Baskut Tuncakip avatangiisitigut pissutsinut inunnut sunniuteqarsinnaasut misissoriartorlugit siorna nunatsinniinnerata kingorna taama inassuteqaateqartoqarpoq. Taamanilu Amerikamiut sakkutooqarfigisimasaani Danmarkip saliisaqariaqarnera kaammattuutigereerpaa.

Nunanut allanut naalakkersuisup Vittus Qujaukitsup Danmarkip Amerikamiut nunatsinni sakkutooqarfigisimasaani saliinissamut akisussaaffimminik sumiginnaasimanerarlugu Naalagaaffiit Peqatigiinnut naammagittaalliuteqarnerata kingorna taama pisoqarpoq.

AAMMA ATUARUK Sakkutooqarfiusimasut salinneqarnissaannut immikkoortinneqartut amerlineqartut

Naammagittaalliuutaali Naalakkersuisut siulittaasuannit Kim Kielsenimit utertinneqarpoq, Naalagaaffiilli Peqatigiit Inuttut Pisinnaatitaaffiit pillugit ataatsimiititaliaat aalajangerpoq pissutsit misissuiffigineqassasut.

Danmarkilli nunattalu ukioq manna januaarimi isumaqatigiissutigaat Amerikamiut nunatsinni sakkutooqarfigisimasaani saliinissamut ukiut arfinillit ingerlanerini Danmark 180 millionit koruuninik aningaasaliissuteqassasoq.  

AAMMA ATUARUK Regeringen undersøger USA’s ansvar for forurening

Amerikamiut Københavnimi aallartitaqarfiata Naalagaaffiit Peqatigiit nalunaarusiaata imarisaanut oqaaseqarusunngitsoq, aallartitaqarfiup tusagassiinermut pisortaata KNR-imut ilisimatitsissutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat