USA-p sakkussiat Ukrainemut nassiussinnaasutut akuersissutigineqartut kingulliit nassiunnissaannut piareerai
USA-p sakkussiat Ukrainemut maanna isumaqatigiitaasumi nassiussinnaasani kingulliit nassiussinnaalerlugit pingasunngormat nalunaarutigaa.
Taamaammat USA-p sakkussianik aningaasanilluunniit nunamut sorsuffiusumut nassiusseqqinniarpat, USA-mi inatsisartut nutaamik akuersissuteqaqqaassapput.
USA-p inatsisartuisa Ukrainemut ikiuinissamut isumaqatigiissummik nutarteripallannissaat USA-p nunanut allanut tunngasunut ministereqarfianit tusagassiorfinnut nalunaarummi aamma inassutigaat.
- Uagut tapiissutigut Ukrainemi peqatigisatta nunaminnik Ruslandip saassussinerani illersuinerannik ikorfartuinermut pingaaruteqarput, nunanut allanut tunngasunut ministeri, Antony Blinken, tusagassiorfinnut nalunaarummi allappoq.
Sakkut atortorissaarutillu 250 millionit dollarsinik, tassalu 1,7 milliaartit koruuninik, nalillit pineqarput.
Imassat silaannakkullu sorsuffigineqarnissamut illersuutit nassiunneqarniarput.
USA-p naalakkersuisui Ukrainemik ikorfartuiniarlutik aningaasaliiniarpata, inatsisartut akuersissuteqaqqaassapput.
Tapiissutit iluatinnartut Ukrainemit nalunaarutigaat.