USA-p nunanut allanut tunngasunut ministererisimasaa Henry Kissinger 100-nik ukioqarluni toqusoq

USA-p nunanut allanut tunngasunut ministererisimasaa, Henry Kissinger, USA-mi naalagaaffimmi (konedikotimi) Connecticutimi, angerlarsimaffimmini, 100-nik ukioqarluni eqqissilluni toquvoq.

Kissingerip siunnersortinut, suliffeqarfia Kissinger Associates, tusagassiorfinnut taama nalunaaruteqarpoq. USA-p taamanikkut, 1969-imi præsidentiata, Richard Nixonip Kissinger USA-p, isumannaallisaanermut pingaarnertut, siunnersortitut atorfinitsippaa.

Kissinger USA-p, nunanut allanut tunngasunut, ministeriatut 1973-imit, ukiunilu tulliutuni sisamani ministeriuvoq, siullermik Richard Nixonip, præsidentiunerani, kingornalu Gerald Fordip, præsidentiunerani.

Kissinger, taamanikkut Vietnamip, avannarliup naalakkersuinikkut, siuttualu Le Duc Tholu, Nobelip eqqissinermut, nersornaasiuttagaanik tunineqarput, Vietnamimi eqqisseqatigiittoqarnisssaa, pillugu Parisimi, isumaqatigiissusiornertik nersornaaserneqaatigalugu.

Israelip Egyptenillu, akornanni eqqisseqatigiittoqarnissaanut, 1979-imi, isumaqatigiissusiortoqarnialermat, Henry Kissinger isumaqatigiissitsiniartuuvoq.

Henry Kissinger, 100-leereerluni Kinamut ukioq manna, juulimi tikeraarpoq. Kinap præsidentia Xi Jinping, ilaatigut ataatsimeeqatigaa.

Henry Kissinger, Tysklandimi 1923-mi inunngorpoq, Heinz Alfred Kissingeritullu kuisimalluni. 15-inik ukioqarluni, tyskit juutinik malersuineranni, ilaquttanilu qimaapput. Siullermik Londonimut, kingornalu USA-mut.