NATO-p qullersaata Ukrainemi sorsunneq sivisussangatikkaa

Nato Ukrainemut tapersersuisussaavoq. Ruslandimulli toqqaannartumik aporaannianngitsoq, Stoltenberg oqarpoq.
Nunat killiit illersoqatigiiffiat NATO Ruslandimut toqqaannartumik aporaannianngitsoq, NATO-p qullersaata Jens Stoltenbergip uteqqipaa. illersoqatigiiffilli Ukrainemik tapersuisussaalluni pisussaaffeqarpoq. Assi © : Saul Loeb/AFP/Ritzau Scanpix
Allattoq Ritzau
juunip 03-at 2022 08:44

Nunat killiit Ukrainemi sorsunnerup sivusunissaa piareersimaffigisariaqarpaat.

Nunat killiit illersoqatigiiffiata NATO-p qullersaa, Jens Stoltenberg, amerikamiut præsidentiat Joe Biden Washingtonimi præsidentip illorsuani sisamanngornermi ataatsimeeqatigereerlugu taama oqarpoq.

Illersoqatigiiffik NATO Ruslandimut toqqaannartumik aporaannianngitsoq, Stoltenbergip uteqqipaa.

illersoqatigiiffilli Ukrainemik tapersuisussaalluni pisussaaffeqarpoq.

AAMMA ATUARUK Nato: Ukraine russinut ajugaasinnaavoq

Sorsuttoqarnerani eqqissineqarnissaq anguniarlugu Ukrainep nunamik annaasaqarnissaanik Ukraine nunanit killernit kimigiiserfigineqarsimaneranik oqartoqarsimanera NATO-mi qullersap ilumuunnginnerarpaa.

Ukrainep præsidentia Volodymyr Zelenzkyj siusinnerusukkut oqarpoq, eqqisseqatigiinnissaq pillugu Ruslandimik isumaqatiginniartoqarnerani Ukraine nunap ilaanik tunniussisoqarnianngitsoq.

Rusland Ukrainemut februaarip ulluisa 24-anni sorsulerpoq. Tamatuma kingunerisaanik nunat killit amerlasuut Ruslandimut arlalitsigut mattussipput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk