USA-p Kalaallit Nunaat pigilissaguniuk qanoq akeqassanersoq Det Hvide Husip misissuleruttorpaa.

Suliamut tunngatillugu ilisimannittut inuit pingasut atilerneqanngitsut, tusagassiorfimmut The Washington Postimut oqarput.

Kalaallit inuiaqatigiinnut pisortatigut ikiorsiissusiinissamut aningaasartuutissat aamma misissorneqartut, tusagassiorfiup tusarfii oqarput.

Kalaallit Nunaanni nunap pissarititaaniit amerika naalagaafimmut qanoq isertitaqarsinnaatiginersoq naalagaaffimmi atorfillit aamma misissorpaat.

Aamma atuaruk Demonstranter foran den amerikanske ambassade: “Kalaallit Nunaat kalaallit pigaat”

Tusarfiit naapertorlugit Kalaallit Nunaata naalakkersuisuinut neqeroorummik Danmarkip tunniunnikuusaaniit pitsaanerusumik tunniussisinnaanissaat periarfissaavoq.

Danmarki Kalaallit Nunaannut ukiumut 4,1 milliardit koruuninik naalagaaffimmit tapiissutinik tunniussisarpoq.

- Taakkunanngaanniit amerlanerujussuupput, naalagaaffimmi atorfilik kinaassutsiminik isertuussisoq ilisimatitsivoq.

Tusarfiit pingasut kinaassutsiminnik isertuussinissaq piumasaqaatigalugu oqaaseqarput.

- Oqaatiginiagarput unaavoq: “Danmarkip tunniussinnaasaaniit amerlanerusunik tunniussisinnaavugut”, tusarfik ataaseq oqarpoq.

Læs ogsåOverblik: Den amerikanske præsident Trumps ambitioner om Grønland

Danmarkip naalagaaffianit tapiissutinut ilanngullugit, politiinut eqqartuussisoqarnermut tapiissutinullu allanut Danmark ukiumut 1,5 milliardit koruuninik akiliisarpoq.

USA-p præsidentiata Donald Trumpip arlaleriarluni ”Kalaallit Nunaat pissavarput” oqaatiginikuuaa.

USA-p Kalaallit Nunaat pinavianngikkaa, Kalaallit Nunaata naalakkersuisuni siulittaasortaavata Jens-Frederik Nielsenip sapaatiummat oqaatigaa.

Kalaallit Nunaata avannaani sakkutooqarfik, USA-p præsidentiata tullersortaata J.D. Vancep nuliatalu Usha Vancep sapaatip-akunnera kingulleq tikeraarpaat. 

Danmarki Kalaallinut inuiannut ajunngilluinnartumik suliaqarsimannginnerarpaa, kiisalu “Kalaallit Nunaat USA-p illersugaata ataaniileruni pitsaanerussasoq” præsidentip tullersortaa tikeraarnermini oqarpoq.