Politiit ullormut nalunaarutaat: Maniitsumi nuna sajuttoq Nuummilu angut maqaasineqartoq
Sisamanut qiteqquttoq nutarterneqarpoq.
Angut 28-nik ukiulik angerlanngimmat, maqaasineqartoq nalunaarutigineqarnerata kingorna, politiit Ameralimmi SAR-imik ujaasileruttorput, Kalaallit Nunaanni politiit pigaartuat Preben Kleist oqarpoq.
Angut 28-nik ukiulik ippassaq ataasinngorluinnartoq Ameralimmut umiatsiamik aallartoq kingullermik takuneqarpoq. Ataasinngornermi unnungaatsiartukkut suli angerlanngimmat, maqaasineqartutut nalunaarutigineqarpoq.
Ujaasineq aallartinneqareerpoq, politiit angallataat aamma sumiiffimmut apuutereerpoq. Issittumi Sakkutooqarfik aamma paasitinneqareerpoq, Preben Kleist oqarpoq.
Politiit pigaartuat Preben Kleist naapertorlugu, ujaarineqartoq ajunngilaq. Angut taanna nammineerluni oqartussanut attaveqarsimavoq, taamaammat SAR-imik ujaasineq unitsinneqarpoq.
Maniitsumi nuna sajuttoq
Aamma Maniitsumi, illoqarfimmiit 20 kilometerit missaanni ungasitsigisumi, innuttaasunit arlalinnit, ataasinngornermi unnungaatsiartukkut nunap sajunnera malugineqarsinnaasimavoq. GEUS-ip uuttuinera naapertorlugu Maniitsumi nunap sajunnera 2,7-iusoq Richterskalami uuttorneqarpoq.
