- Issiaqatigaluta isumaqatiginninniarnissamut piareerpata uagut aamma piareeqqanissarput qularutiginngilara, Mike Pompeo oqarpoq.Assi: NATO North Atlantic Treaty Organization/Flickr Creative Commons

USA-p Iranimik aaqqiagiinngissuteqarnera aaqqiiviginiarlugu Pompeo Kangia qiterlermut angalalersoq

USA-p nunanut allanut tunngasunut ministeria Mike Pompeo Saudi-Arabialiarlunilu De Forenede Arabiske Emiraterinut angalaniarpoq, USA-p Iranimik aaqqiagiinngissuteqarnerata aaqqiivigineqarnissaa pillugu tassani oqaloqatiginnikkiartorumalluni.

Pompeo timmisartumut ippassaq sapaammi ikiartortilluni taama ilisimatitsivoq.

Nutaarsiasaqartitsivik Reuters taama allaaserisaqarpoq.

- Siumut piumaqasaqaatitaqanngitsumik isumaqatiginninniarnissamut ammavugut. Iranimiut qanoq inissisimanersugut nalunngilaat, nunanut allanut tunngasunut ministeri oqarpoq, nangillunilu:

- Issiaqatigaluta isumaqatiginninniarnissamut piareerpata uagut aamma piareeqqanissarput qularutiginngilara, Mike Pompeo oqarpoq.

Amerikamiut timmisartuaraat inuttaqanngitsoq, ungasianiit aqunneqarsinnaasoq Iranimit sapaatip-akunnerata siuliani marlunngormat nakkartinneqarpoq. Timmisartuaraq Iranip Omanillu akornanni Hormuzip ikerasaani nakkartinneqartinneqarpoq.

Timmisartuaqqap Iranip silaannaartaaniissimanissaa USA-p akuersaarumanngilaa.

Iranip USA-p illersornissaqarfianit saassunneqarnissaata pilersaarutip taamaatiinnarneqarnissaa naalakkiutigisimagini, USA-p præsidentiata Donald Trumpip kingorna nalunaarutigaa.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat