USA-mi atuarfimmi aallaasersortoqartoq - ataaseq toqutaavoq arlallillu ikiligaallutik
Illoqarfiup ilaani atuarfinni aatsaat aallaasersortoqalinngilaq, Columbine High Schoolimi 1999-imi peqqarniitsumik aallaasersortoqarmat atuartut aqqaneq marluk ilinniartitsisorlu toqutaapput, atuartut marluk pakasaallutik atuarfimmut iseriarlutik toqoraapput kingornali imminnut toqullutik. Ukiormannalu apriilip ulluisa 20-anni ullormi eqqaaniaasoqareersorlu Littletonip atuarfiani aallaasersortoqarpoq.
Ikilerneqartut tamarmik 15-it missaannik ukioqarput.
Atuartut marluk marlunngornermi atuarfimmut iseriarlutik atuaqatitik aallaammik eqqarpaat atuartullu arfineq pingasut ikilerneqarlutik, atuartorlu 18-inik ukiulik toqutaalluni.
Aallaasersortut politiinit tigusarineqajaarsimasut Douglas Countymi politiit pisortaat, Tony Spurlock marlunngornermi tusagassiortunik katersuutitsinermi taama nalunaaruteqartoq, Reuters allaaserisaqarpoq.
Suliarli suli misissuiffigineqarmat annerusumik politiit oqaaseqarsinnaannginnerarput.
