USA-mi aallaasersortoqarmat inuit 22-t pallillugit toqutaasut
USA-mi naalagaaffimmi Mainemi politiit hunnorujulikkaat angummik aallaasersorsimasumik Maine tamakkerlugu unnuarli ujaasilerput. Ujaarineqartoq tassaavoq 40-nik ukiulik Robert Card.
Taanna illoqarfeeqqami Lewistonimi aallaasersoreernermi qimaavoq. Inuit 22-t pallillugit imerniartarfimmi bowlingertarfimmilu kilometerialunnik ungasitsigisumi aallaasersornermi toqutaapput.
Biilit Robert Cardip qimaanermi atugai nassaarineqarput. Robert Card suli tigusarineqanngimmat Lewistonimi illoqarfeeqqamilu ungasinngitsumi Lisbonimi innuttaasut isersimaannarnissaat oqartussanit kaammattuutigineqarpoq. Pisiniarfiit matoqqanissaat aamma naalakkiutigineqarpoq.
Præsident Joe Biden Lewistonimi aallaasersortoqarsimanera pillugu ilisimatinneqareersoq atorfilittat ilaata ilisimatitsissutigaa, paasissutissanillu ingerlaavartumik tunineqartartoq nalunaarutigineqarluni.
