Borgmesteri: Coloradomi aallaasersortoq nammineq sakkuanik unitsinneqarpoq

Coloradomi aallaasersortumik unitsitsisut sapiitsuliortutut arlalinnit isigineqarput.
Aallaasersorneq illoqarfimmi Colorado Springsimi imerniartarfimmi Club Q-mi pivoq. Imerniartarfik taanna suiaaqatiminoortartunit ornigarneqarnerusarpoq. Assi © : Jason Connolly/AFP/Ritzau Scanpix
Allattoq Ritzau
novembarip 21-at 2022 14:14
Nutserisoq Jaaku Lyberth

Amerikami naalgaaffimmi Coloradomi imerniartarfimmi arfininngornermi unnukkut allaasersortoqarmat, inuit tallimat toqutaapput. Aallaasersortoq inunnit marlunit unitsinneqartoq, politiit oqarput.

Aallaasersortup inunnit marlunnit untisinneqarnera sapiitsuliornertut, illoqarfiup Colorado Springsip borgmesterianit isigineqarpoq.

- Aallaasersortoqarnera arfininngornermi unnuap qeqqalersoq politiinut nalunaarutigineqarmat politiit allaasersorfiusumut apuutinasuarput.

AAMMA ATUARUK USA pillugu ilisimasaqarluartoq: Sakkut pillugit inatsisip allanngortinnissaa Bidenimut ajornakusuussaaq

Angut 22-nik ukiulik aallaasersortoqarneranut atatillugu tigusarineqarpoq.

Aallaasersorneq illoqarfimmi Colorado Springsimi imerniartarfimmi Club Q-mi pivoq. Imerniartarfik taanna suiaaqatiminoortartunit ornigarneqarnerusarpoq.

Politiillu oqarnerat naapertorlugu angut 22-nik ukiulik imerniartarfimmut Club Q-mut iserniariarluni kikkunut tamanut aallaasersulersimavoq.

Aallaasersortoqarnerani inuit tallimat toqutaapput 18-illu ikilerneqarlutik.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk