USA Gazap napparsimmavissuanut qaartartumeerinermut tapersersuisimaneraaneqarnini ilumuunnginneraraa

USA-p napparsimmavinnik silaannakkut saassussinernut tapersersuineq ajorpoq, napparsimmaviillu iluini eqqaassisoqarnissaa kissaatiginagu.

USA-p præsidentiata illorsuanit unnuaq taama nalunaaruteqartoqarpoq.

Israelip sakkutuui Gazami al-Shifap napparsimmavianut isaasut Israelip siusinnerusukkut nalunaarutigaa. Islamisiortut Hamasikkut sakkutuuisa al-Shifap napparsimmavia katersuuttarfittut atortaraat Israelip oqaatigaa.

Hamasikkut napparsimmavik taanna katersuuttarfittut atortaraat, USA-p isertortumik paasiniaasartuisa ilisimatitsissutigereeraallu Israelip sakkutuui al-Shifamut isaapput.

- Saassusisut USA-llu præsidentia Biden Israelip Gazap illoqarfiani al-Shifap napparsimmavianut isaanerannut akisussaatippavut, Hamas oqarpoq.

Israelip napparsimmavimmik saassussisinnaanissaanut USA-mit akuerineqarneratut tamanna isigigaat Hamasip tassunga atatillugu oqaatigaa.

Al-Shifap napparsimmavia Gazap avannarpasissuani inuttuumi Gazap illoqarfittaaniippoq.

Gazami innuttaasut amerlasuut najukkaminnit qimaatitaareersullu al-Shifap napparsimmavianukaasimapput.

Angerlarsimaffimminnit qimaatitaasimasut saniatigut napparsimmavimmi uninngasut sulisullu aamma najuupput.

Gazami Palæstiinamiut sakkuaakkumatuuisa Hamasikkut, Israelip piuneerutsikkumasaasa, napparsimmavimmimi naqqup iluani toqqortartut, sakkutuujuunngitsullu illersuutitut atortaraat Israelip pasilliutigaa.