Kabulimi mittarfimmi isumannaallisaaneq USA-mit aarlerisaarutigineqarpoq Talibanit tiguaaneranni
Talibanit sorsuttartui maanna Afganistanip illoqarfiisa pingaarnersaannut Kabulimut isaapput, præsidentilu Ashraf Ghani qimaalluni aallarsimavoq.
Amerikamiut aallartitaqarfiannit nalunaarutigineqarpoq, Kabulip mittarfianut eqqaassisoqarunartoq.
- Kabulimi taamatullu mittarfimmi isumannaallisaanermut pissutsit sukkasuumik allanngorput.
Mittarfimmi eqqaassisoqartoq arlalinnit tusarliunneqarpoq.
Taamaattumik amerikamiusut innuttaassuseqartut imminnut illersornissaannut ilitsersorpagut, aallartitaqarfik isumannaallisaanermut nutarterinermini taama allappoq.
Allartitat, atorfillit Afghanistanimiulllu Kabulimi mittarfimmut qimarrapput.
Afghanistanimiut hundrelikkaat, taakkununnga ilaallutik naalakkersuinut ilaasortat, inuinnaat, meeqqat arnallu timmisartoqarfimmi katersuussimapput timmisartumullu ilaallutik Kabulimiit aallarniarlutik ilungersorput.
- Mittarfik aqunneqarsinnaanngilaq nakkutigineqaranilu. Naalakkersuisunit killuutigneqarpugut atorfilik aterminik taaserusunngitsoq taama oqarpoq.
Danskit nunanut allanut ministeriarfiata sapaammi tusagassiuutinut nalunaaruteqarlutik paasissutissiissutigivaat, danskit Kabulimi aallartitaqarfiani sulisut sapaatip ullaasaani Kabulip mittarfianut nuutsinneqarsimasu