Umiatsiaaraq kinngusoq: Inuit marluk alianartumik ajunaartut
Kalaallit Nunaanni Politiit Upernaviup avannaani Nuussuarmi ajutoortoqarneranik ippassaq nalunaaqutaq 15.34 nalunaarfigineqarput. Umiatsiaaraq kinngusimavoq inuillu marluk ajunaarlutik.
Pigaartut pisortaat, Jeppe Andsager paasissutissiivoq.
- Susoqarsimanera ullumi misissuiffigeqqissaarneqassaaq. Alianartumik ajutoortoqarneranut kisiat takussutissaqarpoq, taanna oqarpoq.
Ilaqutaasut kalerrinneqareerput.
Angut suli maqaasineqartoq
Angut 25-nik ukiulik Upernavimmeersoq tallimanngormalli maqaasineqalerpoq. Politiit ilungersorlutik suli ujaasipput, sulili iluatsiffiunngitsumik.
- Ujarlerfissagut nungulerunarput nikeriaraqqippallanngilagullu, Jeppe Andsager oqarpoq.
Ujaasineq suli unitsinneqanngilaq, politiilli allatut iliuusissaarukkiartorput. Taakku videokkut nakkutilliissutit kingullermik misissorpaat, takussutissarsinatilli.
