Ukraine: Sakkutuut Wagner-gruppemeersut utikaapput

Russit sakkutuui namminersortuusut Wagner-gruppenikkut ilaasortaat 100-likkaat maanna Ukrainep kangianut utikaasimapput, russillu illersorlugit sorsullutik.

- Sakkutooqatigiit Wagnerikkunni peqataasut nalunaarsorpagut sorsuttartuuppullu 100-likkaarpassuit, Ukrainep sakkutuuisa oqaaseqartartuat Serhij Tjerevatyj taama issuarneqarpoq.

Taassumalu erseqqissaatigaa sakkutoorpassuit taakku sumiiffippassuarnut siassimasut.

- Sakkutuujupput inuiaqatigiinnut ilaaffeqanngitsut, aaqqissuuteqqissaakkamillu periuseqanngitsut, oqaaseqartartoq erseqqissaavoq, nangipporlu:

- Oqartarnerattuut: pinnguarneq unereerpoq: nallinnarsiinnartut kiserngorupput taakkulu annannavianngillat.

Sakkutooqatigiit Wagnerikkut Bakhmutimi sorsunnermi assut pingaaruteqarsimapput.

Qaammatinimi 19-ni aattaqarnerpaamik sivisoqisumillu sorsoreerlutik upernaaq maajimi russit illoqarfik taanna tiguarpaat.

Tamatuma kingorna Wagnerit sakkutuuisa illoqarfik qimappaat. Taakku ilaat Belarusimut ingerlaqqipput tassanilu sakkutooqarnikkut aquut tigummilerlugu (tassa Ruslandimiittumi illoqarfimmi, sakkutooqarfiusumi) tassanngaanniillu Ruslandip illoqarfiisa pingaarnersaannut Moskavamut ingerlaqqipput.

Sakkutooqatigiit Wagnerikkut ittuata Jevgenij Prigozjinip aggustimi timmisartukkut nakkarluni toqunerata kingorna russit naalakkersuisuisa sakkutooqatigiinnik Wagnerikkunnik sapinngisartik tamaat aqutsiniarsarilersimasut tusarfiit oqaluttuarput.

Pisut tusaallugit aarlerinarpalukkaluqisut Ukrainemiut præsidentiata Volodymyr Zelenskyjp qaninnerpaatut siunnersortaa Podoljak ima oqarsimavoq: Sakkutooqatigiit Wagnerikkut atuuffeqarunnaareerput.

- Ullumikkut taakku amiakkui kiserngorunnikuupput sinneruttullu sumut tamaanga siammaqqapput, taanna oqarpoq.

Russilli sakkutuuinut malinnaasut oqaatigaat Wagnerip sakkutuui Ukrainemut utersimasut taavanilu sorsullutik.