Sakkutuut akilersittartut Wagner gruppit siuttuat timmisartup nakkarneratigut toqusimasoq qulakkeerneqartoq
Russit misissueqqissaartartuisa qulakkeerpaat, sakkutuut akilersittartut Wagner-gruppit siuttuat Jevgenij Prigozjin timmisartup nakkarneratigut toqusimasoq.
Timmisartoq namminersortut pigisaat Ruslandip kippasinnerusortaani nunap immikkoortuani Tverimi pingasunngormat nakkarmat ilaasut allattorsimaffianni Prigozjin ilaavoq
Timmisartoq nakkarmalli misissueqqissaartoqalerpoq, timmisartup nakkarnerani ajunaartut kinaassusersiniarlugit, sapaammilu qulakkeerlugit paasineqarlutik.
Timmisartumi nakkartumi ajunaartut inuit quliusimapput.
Dmitrij Utkin sakkutuunut akilersittartoqatigiinnut Wagner gruppekkunik pilersitsisimasutut oqaatigineqarajuttoq ajunaartut allattorsimaffiannut ilaavoq.
Timmisartoq pingasunngormat nakkarmalli, immikkut ilisimasallit nunat killiit russillu naalakkersuisuinik isorinittut sakkutuut akilersittartut siuttuat toqutaasimasinnaanera isumaliutigineqarpoq.
Ruslandimi præsidentip Vladimir Putinip oqaaseqartartuata Dmitrij Peskovip tamanna ilumuunnginnerarpaa sallunerarlugillu.
